Marku 14:5 - Mukanda Wa Zambi 1970

⁵ Te chinalite kulanjisa maji ha ndando yahiana kulakaji jitatu ja mbongo, ni kujaha yiswale.” No yaakanjisa pwo yoze.

MUKANDA USANDU WA ZAMBI 1975

⁵ Mumu mahasa kulanjisa yitumbo yino ha ndando yahiana kulakaji atatu a mbongo, akajihane kuli yiswale, chocho alinyenyetene hali iye.

Marku 14:5 Iomraidhean Croise

Miaso (Masamu) 106:25

Yaatwama mu mazuwo jo a makubu nikulinyenyeta kaabanjikile ko Mwene Zambi.

Mateu 18:28

“Mwe kavumbi yatuhuka, yatakana ni umwe wa kuli tuvumbi ni akwo yoze te umukwete kongo lia kulakaji lia mbongo, yamukwata, yamwoka ha muliwu ni kwamba ngwenyi: ‘Ngufwete kongo liami!’

Mateu 20:11

Ha kumutambula, yaalinyenyeta ku meso ja mwenya munda, ngwo:

Mateu 26:9

Te chinalite kulanjisa maji wano ha mbongo jinji ni kujaha yiswale!”

Marku 14:4

Amwe atu yeevwa kubihia mu mbunge jo, yaaliamba mukachi ko ngwo: “Kuchi kevwe kwonona maji a ndando yinji yibwa haha?

Marku 14:6

Alioze Yesu yamba ngwenyi: “Mwechenu. Kuchi nunamubikalisa? Chize hangulinga chinabeme.

Luka 15:2

Afariseu ni alongeshi a Shimbi yaalinyenyeta ngwo: “Mutu yono kakutambula akwa lufuma mubi, kakulia hamwe no.”

Yoano 13:29

Yudase te mwe wakumbata je mbongo. Kashika tumbaji amwe yaanyonga ngwo, Yesu kanazange kumwamba hanga aye ni kulanda yize anahono ha chiwanyino, hanji te kanamuhula hanga ahe yiswale yimwe yuma.)

Yoano 6:43

Yesu ngwenyi: “Litwaminenu kulinyenyeta hakachi kenu.

Yoano 6:7

Filipe ngwenyi: “Chibwe kulakaji jaali ja mbongo kutwahashile kulanda najo mbolo jinazuku hanga mutu ni mutu atambule kachihanda.”

1 Korintu 10:10

Kanda tulinyenyeta ngwe chize alingile amwe hakachi ko—mba yoonona eswe kuli Kanganda ka Mwilu.

Efesu 4:28

Mutu yoze te wakwiya, alitwamine kwiya, abutuke kulinga milimo, mba mayukisa mwono wenyi ha kubwa ni yuma yinazuku ya kukwasa nayo yiswale.

Shimbi 1:27

Yinulinyenyeta ngwenu: ‘Mwene Zambi kanatuvwila kole. Hanatutuhwisa mu Egiptu ha kulukunjika mu moko ja Aamore, hanga atukuwise.

Filipu 2:14

Lingenu yuma yeswe, hi ni kunenganyana ko chibwe kulihamika,

Yuda 1:16

Atu waze kaakulinyenyeta ni kubihilila matangwa eswe. Kaakulinga nikulita ni usolo wo ubi. Kaakuhanjika maliji a kulengumuka, kaakuhuhumiona atu akwo ha kwalembejeka.