Marku 14:44 - Mukanda Wa Zambi 1970

⁴⁴ Yudase, yoze wakunjikile Yesu ha kumushiha, te hanaahe kulu chinyingi ngwenyi: “Mutu yoze mungumbeja mwenawo, mukwatenu, numutwale kanawa!”

MUKANDA USANDU WA ZAMBI 1975

⁴⁴ Achi, yoze wamukunjikile, waahele kulu chilayi, ngwenyi, Yoze mungumumbeja mwenawo; mukwatenu, numutwale kanawa.

Marku 14:44 Iomraidhean Croise

Kutuhuka 12:13

Manyinga waze munukwita ku yipamba ya ku yikolo ya mazuwo jenu, maabwa chilayi cha kulweza kuze nwatwama. Muze mungumona e manyinga mungunubalika, chichi kunulinga nichimwe muze mungumwesa akwa Egiptu lamba.

Yishima 27:6

Sepa lie kali ni mbunge yibema chibwe kanakuvwisa chinyengo. Alioze muze mukwa kole ye makushisa, limuka!

Mateu 26:46

Katukenu, tuyenu, talenu yoze unangukunjika heza kulu!”

Marku 14:43

Shimbu te Yesu machihanjika, Yudase, umwe wa kuli tumbaji kumi ni aali, yaheta hamwe ni mbunga yinene, te anambata mikwale ni kanda. Mahako a lutwe a Zambi, ni alongeshi a Shimbi, ni makulwana ja Ayuda aatumine.

Marku 14:45

Muze Yudase heza, yakundama kuli Yesu nikawashi nikwamba ngwenyi: “Longeshi!” Mba yamumbeja.

Yilinga 16:23

Muze haalamba chikolo, yaasa mu zuwo lia lamba, yaambila kafunga hanga afunge kanawa.

Filipu 1:28

Kanda nuvwila akwa kole jenu woma. Kuli ayo muchibwa chinyingi chakutwala kukwonona cho ni kukumba chenu—mumu Zambi makanukwasa mu kukumba.

2 A-TESALONIKA 3:17

Ni kwoko lia yami mwene ngunasoneka maliji wano ngwami: “Mwoyo wenu.” Chenacho nakukolesa akwetu mu mikanda yami yeswe. Chenacho nakusoneka.

Yoshua 2:12

Haliabwila lishingenu ni jina lienyi ngwenu, munukalinga yibema ku vungu liami ngwe chize hinanulinga yenu, ngulwezenu chimwe chinyingi chize munguhasa kunufuliela.