Marku 14:21 - Mukanda Wa Zambi 1970

²¹ Mwana Mutu kumafwa ngwe chize hichinasonewa mu Mukanda wa Zambi, alioze lamba lienyi yoze makunjika mwe Mwana Mutu! Chinabeme te kachi mutu yoze kasemukine ko kwenyi!”

MUKANDA USANDU WA ZAMBI 1975

²¹ Mumu mwe Mwana Mutu maya chamwenemwene ngwe chinasonewa ha kutwala kuli iye; alioze lamba kuli yoze mutu makunjika mwe Mwana Mutu! hapwa hali yoze mutu kachi kasemukineko.

Marku 14:21 Iomraidhean Croise

Ubutukilo 3:15

Yena kapela ni pwo munukabwa akwa kole. Vungu lie ni vungu lia pwo mulikabwa akwa kole. Mulikafupa mana akukushihila ku mutwe, ni yena muukafupa mana akumusumina ku kashi jino.”

Miaso (Masamu) 55:15

Akwa kole jami afwe kama susumuku; apalumuke kama muma lia afu! Yibi kaali nayo mu mbunge jo ni mu mazuwo jo.

Izaya 52:14

Atu anji evwile kubiha muze amumwene; chifwa chenyi yichalumuka, kuchabwile ko nawa ngwe cha mutu.

Daniel 9:24

“Atu je ni limbo lino lia chijila hanaabatwila miaka makumi shimbiali yisuho shimbiali aatusule ku yibi yo ni ungulungulu wo. Yibi yo makaakonekena yo. Ululi muukalinduluka ku miaka yeswe hanga Usolwelo ni maliji a munanyi yikamanunuke, zuwo lia Zambi lia chijila maakakunjika lio.

Daniel 9:26

Ku songo lia matangwa waze mukwa lutwe yoze Zambi atongwele maakamushiha keshi ni chitela. Limbo ni lie zuwo lia kuwayila kumaakayibuzula kuli umwe mukwa kuyula wa tachi ni tujita twenyi. Songo mulikeza ngwe sanga lia meya, nikuneha jita ni kwonona yize Zambi hanalulika.

Zakaria 13:7

Mwene Zambi Mukwa Ndundo Jeswe kanambe ngwenyi: “Mukwale katuka, limike ni kafunga yoze wakungulingila milimo! Mushihe, mba mapanga maamwangana. Mungukalimika ni atu jami,

Mateu 26:54

Alioze, nyi chocho, ngwe kuchi Mukanda wa Zambi muumanunuka uze unambe ngwo, chatamba kubwa ngwe chino?”

Mateu 26:56

Alioze yino yeswe hiyabwa hanga yikamanunune maliji ja akwa munanyi waze asonekene mu Mukanda wa Zambi.” Shimbu lizeliene, tumbaji eswe yaamwehuka, yaachina kwo.

Marku 14:20

Yesu ngwenyi: “Umwe hakachi kenu kumi ni aali. Yoze unatate hamwe ni yami mu chenga, mwenawo.

Marku 14:22

Shimbu maachilia, Yesu yanda mbolo, yasakwila Zambi, yayibalula, mba yayaha tumbaji twenyi nikwamba ngwenyi: “Wenu, nulie. Mbolo yino yili mujimba wami.”

Marku 14:49

Tangwa ha tangwa nabwile hamwe ni yenu ni kunulongesa mu zuwo lia Zambi, hindu kunwangukwachile ko. Alioze yuma yize yasonewene mu Mukanda wa Zambi chatamba yimanunuke.”

Luka 22:22

Chamwenemwene Mwana Mutu kumafwa ngwe chize Zambi hanachibatula, alioze lamba lienyi mutu yoze unamukunjika!”

Luka 24:44

Mba yaamba ngwenyi: “Wano e maliji nanwambile muze nabwile hamwe ni yenu, ngwami, yize yeswe yasonewene hakutwala kuli yami mu Shimbi ja Mose, ni mu mikanda ya akwa munanyi a Zambi, ni Miaso (Masamu) chatamba yikamanunuke.”

Yoano 19:28

Mwabwamuze Yesu yanyingika ngwenyi, yuma yeswe hiyahwa. Ha kumanununa Chisoneko cha mu Mukanda wa Zambi, yamba ngwenyi: “Pwila ngunevu.”

Yilinga 1:25

hanga asalakane Yudase mu milimo yino ya unganda, muhela uze Yudase ahichikile ha kuya kuma kwenyi mwene.”

Yilinga 2:23

Zambi, mu upale wenyi ni chinyingi chenyi, hanabatula kulu kunukunjika Yesu. Nwamushihile muze nwatayijile yivulumunyi amuhate ha kulusu.

Yilinga 4:27

Mumu chamwenemwene mu limbo lino Herode ni Ponteu Pilatu haalichinga ni yilambala ni Aisraele mu kulimika ni Kavumbi ke wa Linanga, Yesu, Chilamwina yoze walakenyene.