Marku 14:1 - Mukanda Wa Zambi 1970

¹ Yikubwa matangwa aali ndoo ku chiwanyino cha Kubalika ni cha Mbolo Yize Kuyishi Yitumbo. Mahako a lutwe a Zambi ni alongeshi a Shimbi yaafupa mana ja kukwata Yesu ku tenga hanga akamushihe.

MUKANDA USANDU WA ZAMBI 1975

¹ Achi, kulutwe lia matangwa aali, Chizomboka ni chiwanyino cha mbolo kuyishi futunwiso muchipwa. Asasendote akwa lutwe ni akwa kusonyeka te kanafupu ngwe chize mahasa kumukwata ni kalimbalimba, akamushihe.

Marku 14:1 Iomraidhean Croise

Ubutukilo 37:18

Josefe te uchili kusuku muze ayayo amumwene. Muze te kanda achiheta ko, yaamutwama punga akamushihe.

Miaso (Masamu) 52:3

Yena wakuzanga yibi hi yibema ko, wakuzanga mahuza hi umwenemwene ko.

Miaso (Masamu) 62:4

Nwakuzanga lume kunguchiza ku muhela ulemu, nwakuwahilila ni kuhanjika mahuza. Nwakungulemesa ni kanwa alioze mu mbunge nwakungushinga.

Miaso (Masamu) 62:9

Atu kaali lume ngwe fuji yamokomoko, atu alemu ni alelu eswe aali kaali amokomoko, achaapezale, muwaamona alelu lume, fuji yili kama ngwe yilemu.

Kutuhuka 12:1

Mwene Zambi yambila Mose ni Arane mu chifuchi cha Egiptu ngwenyi:

Alevi 2:6

Ye mbolo ukayibalwola ni kuyizujila maji muze unayilambula mulambu.

Mateu 12:14

Afariseu yaatuhuka, yaatwama punga amone chize maahasa kushiha Yesu.

Mateu 6:2

“Kashika, muze muuhana yawana kuli yiswale, kanda wimba chitavwi kulutwe lie ngwe chize akulinga yilembekese mu mazuwo a kuwayila ni mu majila. Kaakuchilinga hanga atu aalemese. Chamwenemwene ngunanwambulwila ngwami, haanatambula kulu fweto yo.

Marku 14:12

Ha tangwa litangu lia chiwanyino cha Mbolo Yize Kuyishi Yitumbo, muze te akushiha mwana panga, tumbaji twenyi yaamuhula ngwo: “Kulihi unazange tukululikile yakulia ya kwiwuluka Kubalika?”

Marku 14:2

Yaamba ngwo: “Hi ha tangwa lia chiwanyino ko, nyi ka, Vunda jinji mujibwa hakachi ka atu.”

Yoano 11:47

Hohene Afariseu ni mahako a lutwe yaakungulula Mbunga ya Ngaji ja Ayuda ni kwamba ngwo: “Kuchi mutulinga? Mumu mutu yono kakulinga yilayi yinji!

Yoano 13:1

Te hikwasala tangwa limuwika ni chiwanyino cha kwiwuluka Kubalika. Yesu yanyingika ngwenyi, ola yenyi hiyaheta yakukatuka hashi ni kuhiluka kuli Tato. Matangwa eswe yazanga atu jenyi waze te atwama hano hashi, yaazanga ndoo ku songo.

Yilinga 12:4

Muze te hakwata Petulu, yamusa mu zuwo lia lamba, yamukunjika ku mbunga jiwana ja tujita awana awana. Herode yazanga kumutuhwisa ku meso ja Ayuda ha kumanyisa cha chiwanyino cha kwiwuluka Kubalika.