Marku 13:8 - Mukanda Wa Zambi 1970

⁸ Mumu vungu ni vungu kumaakasa jita. Wanangana kumukalimika ni wanangana ukwo. Minyiko ya hashi muyikabwa kweka ni kweka. Zala yinji muyikabwa. Yuma yino yeswe muyikalifwa ngwe kabutu ka yikola ya kusema.

MUKANDA USANDU WA ZAMBI 1975

⁸ Mumu akwa vungu limwe kumakakatukila akwa vungu likwo, akwa wanangana umwe kumakakatukila akwa wanangana ukwo; kumukukapwa minyiko kweka ni kweka; kumukukapwa tupunga ni lamba: yino yuma we uputukilo wa yikola.

Marku 13:8 Iomraidhean Croise

2 Sango Ja Mianangana 15:6

Vungu limwe yilibinjisa vungu likwo, ni limbo limwe yilibinjisa limbo likwo, mumu Zambi yaamwesa lamba ni kwaha misongo.

Miaso (Masamu) 48:6

Yaachikima ni kungangama, ngwe pwo yoze unambe kusema,

Izaya 19:2

Mwene Zambi kanambe ngwenyi: “Mungukavundula enyembo ja akwa Egiptu hanga alimike ni usoko wo, mwenyembo ni mwenyembo wenyi. Akwa limbo limwe maakalimika ni akwa limbo likwo; umwe mwanangana makahamika ni mukwo.

Izaya 29:6

Mwene Zambi Mukwa Ndundo Jeswe makakulamwina ni tungonga ni kunyika cha hashi, makatuma yijimbi ni kahia kakulalisa.

Izaya 37:3

Maliji waze ashikile alweze Izaya wano: “Musono lili tangwa lia lamba, kaanatumwesa lamba, tunevu sonyi. Tuli ngwe pwo yoze unambe kusema, alioze tachi ja kusema jakuhi.

Jeremia 13:21

Kuchi muukamba muze atu waze wanyongene ngwe kaali masepa je, haakukumba ni kaanakuyulu? Kumuubwa ni lamba ngwe pwo yoze unambe kusema.

Jeremia 22:23

Yenu nwatwama mu uhwimino mukachi ka mitondo sedru yize nwatambwile ku chifuchi cha Libano; lamba lienu muze munwivwa yikola, ngwe yikola ya pwo yoze unambe kusema.

Jeremia 25:32

Mwene Zambi Mukwa Ndundo Jeswe kanambe ngwenyi: “Lamba kulineza hali mavungu eswe, ngwe kangonga munene yoze unakatuka ku mambango eswe a hashi.”

Jeremia 4:31

Yingwivwa kulila, ngwe umwe pwo unafumbajala, unabinji ha kusema mwanenyi mutangu. Kuma te kulila ni kuhuza cha Yerusaleme, kanazozo moko jenyi nikwamba ngwenyi, “Mama lambee! Kunafwa!”

Jeremia 49:24

Akwa Damasku haalekumuka, haachina, haakwachika mwongo. Kaali mu lamba ni mu yinyengo ngwe pwo yoze unafumbajala ha kusema.

Jeremia 50:43

Muze mwanangana wa Babilonia hevwa sango jize, ni mwe mu moko kekee. Kanevu yikola ngwe pwo yoze unafumbajala, kanalifwichi.

Jeremia 6:24

Akwa Yerusaleme ngwo: “Hitwevwa sango jize ni mwe mu moko kekee. Tunevu yikola ngwe pwo yoze unafumbajala ha kusema.

Hagai 2:22

ni kukumba mawanangana ni kusulisa tachi jo. Mungufwenya matemba jo ni waze akwendela ho; tuvwalu kumaafwa, ni waze akwenda ho kumaalishiha ene ni ene.

Zakaria 14:13

Ha tangwa lize Mwene Zambi makevwisa mavungu mwongo, mba mutu mweswe makakwata yoze anasulangana nenyi ni kulimika nenyi.

Mateu 24:8

Yuma yino yeswe muyikalifwa ngwe kabutu ka yikola ya kusema.

Marku 13:7

Muze munukevwa lundunjila wa jita hakamwihi, ni sango ja jita kusuku, kanda nukevwa woma. Chatamba yino yuma kubwa, alioze songo kanda lichibwa.

Marku 13:9

“Alioze kanyamenu yenwene, mumu atu maakanukunjika ku Mbunga ya Ngaji ja Ayuda, maakanulamba mu mazuwo a kuwayila ja Ayuda. Munukamana ku meso ja akwa kuyula ni ku meso ja mianangana, mumu hali yami, ha kushindakenya Sango Jibema.

Yilinga 11:28

Umwe hakachi ko, Agabu, yakatuka, yalweza ku tachi ja Mwiku wa Linanga ngwenyi: “Zala yinji muyikabwa hashi heswe.” (Zala yize yejile ha mwaka wa mwanangana wa Aroma, Klaudiu.)

1 Tesalonika 5:3

Muze atu maakamba ngwo: “Tuli ni uhwimino, yuma yeswe yinawaha,” mba susumuku kwonona muchiza. Keechi kuhichika nichimwe. Muchibwa ngwe yikola ya kusema yize hiyakwata kafumbakaji.

Usolwelo 6:4

Munatala, mba yingumona kavwalu mukwo muchila yatuhuka. Yoze watwamine ho yabwa ni chiyulo cha kuneha jita hashi, hanga atu alishihe. Yaamwaha mukwale unene.