Marku 13:7 - Mukanda Wa Zambi 1970

⁷ Muze munukevwa lundunjila wa jita hakamwihi, ni sango ja jita kusuku, kanda nukevwa woma. Chatamba yino yuma kubwa, alioze songo kanda lichibwa.

MUKANDA USANDU WA ZAMBI 1975

⁷ Alioze muze munwivwa ha jita ni ndundumwino ya jita, kanda nukasungalala; mumu chatamba yino yuma yeswe kupwa; alioze songo kanda lichipwa.

Marku 13:7 Iomraidhean Croise

2 Samuel 14:14

Yetu eswe mwane kumutufwa kwetu. Tuli ngwe meya waze haamwanganyina hashi, mutu keshi kuhasa kwaswita nawa. Chibwe Zambi keshi kuhasa kuhilwisa afu ku mwono wa hano hashi. Alioze mwanangana mahasa kuhilwisa mutu yoze ahumine.

Miaso (Masamu) 112:7

Keshi kwivwa mwongo chibwe anwambulwile sango jibi, mbunge yenyi yinajikiza, kakushachila hali Mwene Zambi.

Miaso (Masamu) 27:3

Chibwe yizavu ya tujita muyingujingilika, chichi kwivwa woma; chibwe akwa kole jami maalitachika ni yami, hindu mungushachila hali Zambi.

Yishima 3:25

Kuuchi kwivwa woma wa lamba ngwe lize liakulundumukina hali yingulungulu.

Izaya 8:12

Kanda ulichinga no muze ali ku punga jo, kanda uvwila woma ku yuma yize ayo akuvwila woma.

Jeremia 51:46

Kanda nulekumuka hanji kwivwa woma ha ndundumwino yize munwivwa. Mwaka weswe wakubwa ni sango jeka, sango ja upupilo mu chifuchi, ni ja umwe mwanangana yoze unase jita ni mukwo.

Mateu 18:7

Lamba lio akwa hashi mumu ha yuma yize yakuvulumwisa atu! Yuma yize muyikabwa matangwa eswe, alioze lamba lienyi mukwa kuvulumwisa!

Mateu 2:3

Muze mwanangana Herode hachivwa, yalibikala kuhiana, ni akwa Yerusaleme eswe.

Marku 13:6

Anji maakeza mu jina liami nikwamba ngwo: ‘Yami mwe Chilamwina yoze Zambi alakenyene.’ Kumaakapiangula anji.

Marku 13:8

Mumu vungu ni vungu kumaakasa jita. Wanangana kumukalimika ni wanangana ukwo. Minyiko ya hashi muyikabwa kweka ni kweka. Zala yinji muyikabwa. Yuma yino yeswe muyikalifwa ngwe kabutu ka yikola ya kusema.

Yoano 14:1

Yesu yambila tumbaji twenyi ngwenyi: “Mbunge jenu kanda jilibikala. Fulielenu Zambi, fulielenu nawa yami.

Yoano 14:27

“Uhwimino ngunanuhichikila. Uhwimino wami ngunanwehe. Chanuhele wo ngwe chize akwa hashi akuhana. Kanda nulibikala, kanda nwivwa woma.

Yilinga 17:3

yaalumbunwina pundu nikwalweza ngwenyi, Kristu chamutamba kumona lamba ni kuhinduka ku kufwa. Ngwenyi: “Yono Yesu, yoze ngunanwambulwila, mwe Chilamwina yoze Zambi alakenyene.”