Marku 13:6 - Mukanda Wa Zambi 1970

⁶ Anji maakeza mu jina liami nikwamba ngwo: ‘Yami mwe Chilamwina yoze Zambi alakenyene.’ Kumaakapiangula anji.

MUKANDA USANDU WA ZAMBI 1975

⁶ Mumu anji kumakeza mu jina liami, nikwamba ngwo, Mwe Kristu yami, makapiangula anji.

Marku 13:6 Iomraidhean Croise

Jeremia 14:14

Alioze Mwene Zambi yakumbulula ngwenyi: “Akwa munanyi kaakunguliongela, chaatumine kwami, hanji kwambila hanji kwalweza limwe liji. Usolwelo uze akulumbununa, hi wa kuli yami ko. Kuuli wa mahuza, yilota yamokomoko.

Mateu 24:11

Akwa munanyi a kupiangula anji maakasoloka, maakapiangula anji.

Mateu 24:5

Mumu anji maakeza mu jina liami nikwamba ngwo: ‘Yami mwe Chilamwina yoze Zambi alakenyene.’ Kumaakapiangula anji.

Marku 13:22

Mumu yilamwina a mahuza ni akwa munanyi a mahuza kumakasoloka, kumaakalweza yilayi ni yipupu ya kupiangula, nyi muchihasa kubwa, chibwe waze Zambi hanatongola.

Marku 13:5

Mba Yesu yabutuka kwalongesa ngwenyi: “Kanyamenu! Nyi ka, maakanupiangula.

Marku 13:7

Muze munukevwa lundunjila wa jita hakamwihi, ni sango ja jita kusuku, kanda nukevwa woma. Chatamba yino yuma kubwa, alioze songo kanda lichibwa.

Yoano 5:43

Yami hinguneza mu jina lia Tata, kunusolo kungutambula. Alioze nyi umwe mukwo meza mu jina lienyi mwene, munukamutambula.

Yoano 8:24

Kashika hinanwamba ngwami, munukafwa mu milonga yenu. Mumu munukafwa mu milonga yenu, shina munufuliela ngwenu, ‘Yami Nguli Yoze Nguli.’ ”

Yoano 8:28

Kashika Yesu yaamba ngwenyi: “Muze hinwazundula mwe Mwana Mutu, mba munukanyingika ngwenu, ‘Yami Nguli Yoze Nguli.’ Munukanyingika ngwenu, Chishi kulinga nichimwe ukawami. Nakuhanjika lume yize Tata angulongesele.

1 Yoano 4:1

Akwetu, kanda nufuliela eswe waze akwamba ngwo, Mwiku wa Zambi akwete, alioze esekenu ha kumona nyi Mwiku uze ali nawo kuuli wa kuli Zambi, nyi ka. Mumu akwa munanyi a mahuza anji haanamwangana hashi heswe.