Marku 13:34 - Mukanda Wa Zambi 1970

³⁴ Kafwa ngwe mutu yoze unahichika zuwo lienyi ni kuya mu wenyi. Kanahane chiyulo kuli tuvumbi twenyi, mutu mweswe milimo yenyi. Kanambila mukwa kufunga zuwo ngwenyi: ‘Ukanyama.’

MUKANDA USANDU WA ZAMBI 1975

³⁴ Chinapu ngwe mutu kanayi mu wenyi ku chifuchi chikwo, mahichika zuwo lienyi, mahana chiyulo kuli ndungo jenyi, kuli mweswe milimo yenyi, mamba mukwa kufunga pito, akalé.

Marku 13:34 Iomraidhean Croise

Mateu 16:19

Mungukakwaha sapi ja wanangana wa mwilu. Cheswacho muukalituna hano hashi, Zambi mwilu halituna cho kulu; ni cheswacho muukatayiza hano hashi, Zambi mwilu neye hachitayiza kulu.”

Yoano 10:3

Mukwa kufunga chikolo mamwazulwila. Mapanga meevwa liji lia kafunga muze maatambika ha majina, maatuhwisa haze.

A-ROMA 13:6

Ha chikuma chino nawa nwakulambula lijimu, mumu akwa kuyula kaakulingila Zambi muze akumanununa milimo yo.

1 Korintu 15:58

Kashika, akwetu akwa Kristu, manenu nguu, kanda nukokoloka. Takamenu matangwa eswe mu milimo ya Mwene Yesu, mumu nunanyingika ngwenu, Chuma nichimwe chize nwakulinga mu milimo ya Mwene muchikabwa chamokomoko.

Kolosu 3:24

Nyingikenu ngwenu, Mwene Yesu makanukundulula. Munukahinga chihinga chize anafungila atu jenyi, mumu Mwene wamwenemwene yoze nwakulingila kali mwe Kristu.

Kolosu 4:1

Yenu miata, lingilenu ndungo jenu kanawa ni chize chinalite. Iwulukenu ngwenu, ni yenu nawa nuli ni Mwene mwilu.

Usolwelo 3:7

“Sonekena kanganda ka mwilu wa Chikungulwila cha mu limbo lia Filadelfia ngwe: “Munangi kanda mukwa umwenemwene, yoze uli ni sapi ya mwanangana David, yoze wakwazulula alioze niumwe kahashile kwajila, yoze wakwajila alioze niumwe kahashile kwazulula, kanambe ngwenyi: