Marku 13:26 - Mukanda Wa Zambi 1970

²⁶ Hohene atu maakamona Mwana Mutu kaneza mu malelwa ni ndundo jinji ni uhenya Wahiana.

MUKANDA USANDU WA ZAMBI 1975

²⁶ Hohene makamona mwe Mwana Mutu kaneza mu malelwa hamwe ni tachi jinene ni uhenya.

Marku 13:26 Iomraidhean Croise

Mateu 16:17

Yesu yamwamba ngwenyi: “Kuwawaha, yena Simone mwana wa Yoano, mumu mukwa hashi niumwe kausolwele umwenemwene uno, alioze Tata wa mwilu.

Mateu 16:27

Mumu Mwana Mutu makeza mu uhenya wa Tato hamwe ni tunganda twenyi a mwilu. Mba makalia mutu mweswe nikulita ni yitanga yenyi.

Mateu 16:28

Chamwenemwene ngunanwambulwila ngwami, amwe atu anamana hano keechi kafwa ndoo maakamona Mwana Mutu kaneza mwe Mwanangana.”

Mateu 24:30

Hohene chilayi cha mwe Mwana Mutu muchikasoloka kwilu. Mba mavungu eswe a hashi maakalila, maakamona Mwana Mutu kaneza ha malelwa ni ndundo jinji ni uhenya Wahiana.

Mateu 25:31

“Muze Mwana Mutu makeza mu uhenya wenyi, hamwe ni tunganda twenyi eswe a mwilu, makatwama ha chitwamo chenyi cha uhenya.

Marku 14:62

Yesu ngwenyi: “Ewa, yami. Kumunukamona Mwana Mutu kanatwama ku chindume cha Mukwa Ndundo Jeswe. Munukamumona kaneza ni malelwa a kwilu.”

Marku 8:38

Mumu yoze manguvwila sonyi, yami ni longeso liami hakachi ka atu ja mwakono, yihulia kanda yivulumunyi, yami Mwana Mutu nawa mungukamuvwila sonyi muze mungukeza mu uhenya wa Tata hamwe ni tunganda a mwilu.”

Marku 9:1

Yesu yamba nawa ngwenyi: “Chamwenemwene ngunanwambulwila ngwami atu akwo anamana kuno keechi kafwa ndoo maakamona Wanangana wa Zambi uneza ni tachi.”

Luka 21:27

Hohene atu maakamona Mwana Mutu kaneza mu lelwa ni ndundo jinji ni uhenya Wahiana.

Yilinga 1:11

Yaamba ngwo: “Yenu malunga a ku Galilea, yika nunamanyina hano ni kuhulikila meso kwilu? Yono Yesu, hanutambula yo mwilu, makahiluka nawa chizechene ngwe hinwamumona nikuya mwilu.”

1 Tesalonika 4:16

Mumu Mwene Yesu iye mwene makahulumuka ni kukololoka ni liji lia Shimbi, ni liji lia kanganda ka mwilu wa lutwe, ni liji lia chitavwi cha Zambi. Mba waze afwile kulu, te afuliela Yesu, maakalianga kuhinduka.

2 Petulu 1:16

Mumu kutwalongesele yishima yize akutaka atu, muze twanunyingikishine ngwetu, Mwene wetu Yesu Kristu makeza ni ndundo. Yetu yitumona uhenya wenyi ni meso jetu.

Usolwelo 1:7

Talenu, kaneza mu malelwa! Mutu mweswe makamumona, chibwe waze amutuwile. Mavungu eswe a hashi maakalila mbimbi mumu hali iye. Ewa, Chenacho muchikabwa!