Marku 13:25 - Mukanda Wa Zambi 1970

²⁵ Matongonoshi maakaholoka mwilu, ndundo ja mwilu mujikanyikumuka.

MUKANDA USANDU WA ZAMBI 1975

²⁵ Ni matongonoshi a mwilu kumakaholoka, ni tachi jize jili mu malilu kumujikanyika.

Marku 13:25 Iomraidhean Croise

Izaya 34:4

Tangwa, ni kakweji, ni matongonoshi muyikalifwita mu fufuta. Lilu mulikajimuka ngwe mukanda wa kuvunga, ni matongonoshi maakaholoka ngwe chize mafwo akuholoka ku mutondo wa vinyu hanji wa mukuyu.

Joele 2:30

“Ha matangwa waze, mungukasolola yikomokeso mwilu ni hashi; mukukabwa manyinga, ni kahia, ni malelwa a mwishi.

Mateu 24:29

“Hazehene, kulutwe lia lamba lia matangwa waze, tangwa mulikalaa, kakweji kechi katwa nawa mweji, matongonoshi maakaholoka kwilu, ni ndundo ja mwilu mujikanyikumuka.

Usolwelo 6:13

Matongonoshi kwilu yaaholwoka hashi, ngwe chize akuholoka makuyu a wisu ku mukuyu, muze mutondo wakutukunga ni kangonga.