Marku 13:22 - Mukanda Wa Zambi 1970

²² Mumu yilamwina a mahuza ni akwa munanyi a mahuza kumakasoloka, kumaakalweza yilayi ni yipupu ya kupiangula, nyi muchihasa kubwa, chibwe waze Zambi hanatongola.

MUKANDA USANDU WA ZAMBI 1975

²² mumu akristu a kwonga ni aprofeta a kwonga kumakeza, makalweza yilayi ni yipekesa mukupiangula chipwe waze hanaatongola, kachi maahasa.

Marku 13:22 Iomraidhean Croise

Mateu 24:24

Mumu yilamwina a mahuza ni akwa munanyi a kupianguka kumaakasoloka ni kulweza yilayi yinene ni yipupu hanga apiangule, nyi muchihasa kubwa, chibwe waze Zambi hanatongola.

Mateu 7:15

“Nukanyama mumu hali akwa munanyi a kupiangula. Kaakunusolokela ngwe mapanga, alioze muchima kaali tungunga asasu.

Marku 13:21

“Hohene nyi umwe makanwamba ngwenyi: ‘Talenu, Chilamwina yoze Zambi alakenyene kuno kwali!’ hanji ngwenyi: ‘Talenu, kwali akuze!’ kanda nukachifuliela.

Marku 13:23

Alioze yenu kanyamenu, hinanwambulwila cho shimbu kanda.”

Marku 13:6

Anji maakeza mu jina liami nikwamba ngwo: ‘Yami mwe Chilamwina yoze Zambi alakenyene.’ Kumaakapiangula anji.

Yoano 4:48

Yesu yamwamba ngwenyi: “Nyi kunwamwene yilayi ni yikomokeso, kunuchi kufuliela.”

Shimbi 13:1

“Nyi umwe mukwa munanyi hanji mukwa kulumbununa yilota manulakenya chimwe chilayi hanji chikomokeso,

2 Timoteu 2:19

Hindu fundamentu ya tachi yize asele Zambi kuyakola. Hanasoneka helu liayo ngwo: “Mwene kananyingika atu jenyi,” nawa ngwo: “Mutu yoze wakwamba ngwenyi: ‘Nguli mukwa Kristu,’ chamutamba kwehuka yibi.”

1 Yoano 2:18

Ana jami, ola yakusula hiyakundama! Hinunevu ngwo, Mukwa Kulimika ni Kristu makeza. Kuma, haliabwila akwa kulimika ni Kristu anji haanasoloka kulu. Ha chino tunanyingika ngwetu, ola yakusula hiyakundama.

1 Yoano 2:19

Atu wano, chamwenemwene, te hi a kuli yetu ko, kashika atwehukile. Mumu, nyi te a kuli yetu, kachi kaasalile hamwe ni yetu. Alioze yaatwehuka hanga chisoloke zwalala ngwo, niumwe wa kuli ayo wabwile ni wetu.

1 Yoano 2:26

Ngunanusonekena chino hakutwala kuli waze akufupa kunupiangula.

Usolwelo 13:8

Akwa hashi eswe maakamuwayila, kafwa ngwe, waze majina jo kasonewene, chize ku kutanga cha yuma yeswe, mu mukanda wa akwa mwono wa Mwana Panga yoze ashihile.

Usolwelo 17:8

Ngongo yoze hiwamona, hatangu te kali ni mwono, alioze haliabwila keshi nawa ni mwono, chamutamba kutuhuka muma mwajotoka hanga aye akafwe. Akwa hashi hano, waze majina jo kaasonewene ko mu mukanda wa akwa mwono, chize kuze Zambi atangile yuma yeswe, maakalishimwoka muze maakamona ngongo yoze. Mumu hatangu te mwono akwete, alioze keshi nawa ni mwono, alioze makasoloka nawa.