Marku 13:21 - Mukanda Wa Zambi 1970

²¹ “Hohene nyi umwe makanwamba ngwenyi: ‘Talenu, Chilamwina yoze Zambi alakenyene kuno kwali!’ hanji ngwenyi: ‘Talenu, kwali akuze!’ kanda nukachifuliela.

MUKANDA USANDU WA ZAMBI 1975

²¹ Hohene kachi umwe mamba kuli yenu ngwenyi, Talenu, kuno kwali mwe Kristu! hanji ngwo, Talenu, kuze ali! kanda nukachifuliela:

Marku 13:21 Iomraidhean Croise

Mateu 24:5

Mumu anji maakeza mu jina liami nikwamba ngwo: ‘Yami mwe Chilamwina yoze Zambi alakenyene.’ Kumaakapiangula anji.

Marku 13:20

Nyi Mwene kachijile ko amwe matangwa waze a lamba, kachi mutu niumwe makalilamwina. Alioze matangwa akwo Zambi hanaachiza mumu hali atu jenyi waze hanatongola iye mwene.

Marku 13:22

Mumu yilamwina a mahuza ni akwa munanyi a mahuza kumakasoloka, kumaakalweza yilayi ni yipupu ya kupiangula, nyi muchihasa kubwa, chibwe waze Zambi hanatongola.

Luka 21:8

Yesu ngwenyi: “Kanyamenu, nyi ka, maakanupiangula. Mumu anji maakeza mu jina liami nikwamba ngwo: ‘Yami mwe Chilamwina yoze Zambi alakenyene.’ Nawa ngwo: ‘Tangwa hiliaheta!’ Alioze kanda nukaakaula.

Yoano 5:43

Yami hinguneza mu jina lia Tata, kunusolo kungutambula. Alioze nyi umwe mukwo meza mu jina lienyi mwene, munukamutambula.