Marku 13:2 - Mukanda Wa Zambi 1970

² Yesu yamba ngwenyi: “Unamono mazuwo wano anene anene? Liwe nilimwe kulichi kasala liakunangika helu lia likwo, eswe kumaakabuzula.”

MUKANDA USANDU WA ZAMBI 1975

² Yesu wambile kuli iye ngwenyi, Unamono mazuwo ano anene? Kechi kahichika liwe nilimwe ha liwe likwo, lize kechi kalipuzula.

Marku 13:2 Iomraidhean Croise

Jeremia 26:18

“Muze Hezekia abwile mwanangana wa Yuda, mukwa munanyi Mika wa ku Moreshete yalweza atu ngwenyi: ‘Mwene Zambi Mukwa Ndundo Jeswe kanambe ngwenyi: Zione maamuchiba ngwe munda, Yerusaleme kumalumuka yikulu, ni mulundu haze atungile zuwo lia Zambi muubwa usaki.’

Daniel 9:26

Ku songo lia matangwa waze mukwa lutwe yoze Zambi atongwele maakamushiha keshi ni chitela. Limbo ni lie zuwo lia kuwayila kumaakayibuzula kuli umwe mukwa kuyula wa tachi ni tujita twenyi. Songo mulikeza ngwe sanga lia meya, nikuneha jita ni kwonona yize Zambi hanalulika.

Mika 3:12

Zione kumaamulima ngwe minda mumu hali yenu. Yerusaleme kumabwa mulumba wa kwenyeka. Mulundu wa zuwo lia Zambi kumuwalumuka usaki.

Mateu 24:2

Mba Yesu yaamba ngwenyi: “Nunamono yeswe ayize? Chamwenemwene ngunanwambulwila ngwami, liwe nilimwe kulichi kasala liakunangika helu lia likwo, eswe kumaakabuzula”.

Luka 21:6

“Yuma yino yeswe nunamono, matangwa makeza muze liwe nilimwe kulichi kasala liakunangika helu lia likwo, eswe kumaakabuzuka.”

Yilinga 6:14

Hitunamwivu mamba ngwenyi: ‘Yesu yono, wa ku Nazare, makonona zuwo lino lia Zambi ni kwalumuna Shimbi jize atuhele Mose.’ ”

Usolwelo 11:2

Alioze hichika yiize ya haze lia zuwo lia Zambi. Kanda uyeseka, mumu hingunayihane kuli waze hi Ayuda ko, waze maakaliata Limbo ha Chijila tukweji makumi awana ni aali.