Marku 13:19 - Mukanda Wa Zambi 1970

¹⁹ Mumu ha matangwa waze, lamba linji mulikabwa ko. Chize ku kutanga cha hashi ndoo musono uno, lamba ngwe lize kanda lichibwa kama, ni kulichi kabwa nawa nichimwe kulutwe.

MUKANDA USANDU WA ZAMBI 1975

¹⁹ Mumu ha matangwa aze kumukukapwa luyinda, yoze kukwapwile umwe wa kulifwa nenyi chize ku uputukilo wa kutanga chize atangile Zambi ndo haliapwila, mba kechi kapwa nawa.

Marku 13:19 Iomraidhean Croise

Lungungu 1:12

Kanakololoka kuli mweswawo wakubalieka ko ngwenyi: “Ngutale kama nyi umwe mutu uliko yoze unamono lamba ngwe yami, lamba lize Mwene Zambi hanguzukwila ha matangwa ja ufwatulo wenyi.

Lungungu 2:13

Aa Yerusaleme, mbayi Yerusaleme, kuchi mungwamba kama? Ngwe kuchi ngunahase kukulembejeka? Niumwe hanamono lamba libwahaha. Lamba lie lioka naye, lili ngwe kalunga lwiji; kuwahashile kusa nawa mbunge ku yiwape ya kulutwe.

Lungungu 4:6

Atu jami kaanamono lamba liahiana lize lia akwa Sodome, Zambi yaashiha susumuku, kaahashile ko kuchina.

Daniel 12:1

Kanganda ka mwilu yoze te unazala mahina atoma alefuna yamba ngwenyi: “Ha tangwa lize mwe Mikele, kanganda ka mwilu mukwa lutwe yoze wakufunga atu je, makasoloka. Ha matangwa waze lamba linji mulikabwa ko, lamba ngwe lize kanda libwa kama nilimwe tangwa chize kuze Zambi atangile atu hano hashi. Muze tangwa lize mulikeza, atu eswe a ku vungu lie waze anasonewa mu mukanda wa Zambi kumakaalamwina.

Daniel 9:12

Hiunalingi yize wambile kutulinga yetu ni akwa kuyula jetu. Hiwamwesa Yerusaleme lamba kuhiana lize lia membo akwo hano hashi.

Daniel 9:26

Ku songo lia matangwa waze mukwa lutwe yoze Zambi atongwele maakamushiha keshi ni chitela. Limbo ni lie zuwo lia kuwayila kumaakayibuzula kuli umwe mukwa kuyula wa tachi ni tujita twenyi. Songo mulikeza ngwe sanga lia meya, nikuneha jita ni kwonona yize Zambi hanalulika.

Joele 2:2

Mulikabwa tangwa lia milima ni chinyengo, kwilu mukukalauluka ni malelwa bwii. Chizavu chinene cha tujita kaaneza ngwe milima hiyalitanda ha milundu. Chuma chino haanga te kanda chibwa kama, kuchichi kwiza kubwa nawa.

Mateu 24:21

Mumu ha matangwa waze lamba linji mulikabwa ko. Chize ku kutanga cha hashi ndoo musono uno lamba ngwe lize kanda lichibwa kama, ni kulichi kabwa nawa nichimwe ngwe lize kulutwe.

Marku 10:6

Alioze chize ku Ubutukilo, muze Zambi atangile yuma yeswe hichinasonewa ngwo: ‘yaatanga lunga ni pwo.

Marku 13:18

Lembenu ngwenu, yuma yize kanda yikabwa kama ha mwaka wa chishika.

Marku 13:20

Nyi Mwene kachijile ko amwe matangwa waze a lamba, kachi mutu niumwe makalilamwina. Alioze matangwa akwo Zambi hanaachiza mumu hali atu jenyi waze hanatongola iye mwene.

Shimbi 28:59

makatuma hali yenu ni ha vungu lienu misongo yize niumwe kahashile kuyiwuka ni lamba lize kuliahashile kuhwa.

Shimbi 4:32

“Achinyongenu ha yuma yikulu, ha miaka yize te kanda nuchisemuka muze Mukulu Zambi atangile atu, Hengulenu hashi heswe. Hikunabu kama chimwe Chuma chinene ngwe chino, nyi? Kuli umwe yoze hanevu kama Chuma ngwe chino, nyi?

Usolwelo 7:14

Yingukumbulula ngwami: “Mwene, yena Unanyingika, hi yami ko.” Mba yangwambulwila ngwenyi: “Kaali atu waze haanatuhuka ku yihungumiona yinji. Haanakoso mahina jo, hanaatomesa ni manyinga ja Mwana Panga.