Marku 13:14 - Mukanda Wa Zambi 1970

¹⁴ “Muze munukamona ‘Chipupu cha Kuvwisa Woma’, chinamana kuze kuchatambile kumana, (Yoze wakutanga ase yuma yino chinyingi!), hohene waze maakabwa mu Yudea chaatamba kuchinyina ku milundu.

MUKANDA USANDU WA ZAMBI 1975

¹⁴ Alioze muze munumona chizelwokeso cha kwenyeka chinamana kuze kuchatambile kumana (yoze matanga, akase chinyingi), hohene waze mapwa mu Yundeya, akachinyine ku milundu:

Marku 13:14 Iomraidhean Croise

Lungungu 1:10

Akwa kole jenyi yaamwiya ubite weswe; Yerusaleme yaamona chize anjilile mu zuwo lia kuwayila muze te Mwene Zambi hanakanjisa mavungu akwo kunjila mo.

Ezekiel 44:9

“Yami Mwene Zambi ngunambe ngwami, niumwe chilambala chilima, niumwe yoze keshi kungwononokena, makanjila mu zuwo liami, chibwe chilambala yoze watwama mukachi ka Aisraele!”

Daniel 11:31

Amwe a kuli lujita twenyi maakajilula zuwo lia Zambi. Maakakanjisa atu kulambula milambu ya tangwa ha tangwa, maakamika Chipupu cha Kuvwisa Woma.

Daniel 12:11

“Chize ku tangwa lia kukanjisa milambu ya tangwa ha tangwa, kafwa ngwe, chize ku tangwa lia kusoloka cha Chipupu cha Kuvwisa Woma kumukukabwa matangwa 1,290.

Daniel 8:13

Mba yingwivwa umwe kanganda ka mwilu kanahula mukwo ngwenyi: “Yuma yino ya mu Usolwelo muyibwa lume ndoo tangwa lika? Yibi yibwahaha muyisalakana milambu ya tangwa ha tangwa ndoo matangwa angahi? Tujita twa mwilu ni zuwo lia Zambi maakayiliataliata ndoo mwiji muka?”

Daniel 9:27

Mwe mukwa kuyula yoze makakolesa Usendo ni atu anji ha miaka shimbiali. Muze miaka yitatu ni yipinji hiyabalika, mba makasa songo lia yitapo ni milambu. Hohene Chipupu cha Kuvwisa Woma makachisa mu zuwo lia Zambi. Muchikabwa mo ndoo mwe yoze makachisa mo makaheta ku songo lienyi lize Zambi amululikilile.”

Mateu 13:51

Yesu yaahula ngwenyi: “Yuma yino nwayivwa kanawa, nyi?” No yaamukumbulula ngwo: “Ewa.”

1 Korintu 14:20

Akwetu, kanda nubwa ngwe twanuke mu kunyonga chenu. Bwenu ngwe ana hakutwala ku yuma yibi, alioze bwenu makulwana mu kunyonga chenu.

Usolwelo 1:3

Kawaha yoze wakutanga mukanda uno. Kaawaha waze akwivwa maliji a munanyi a mukanda uno, ni waze akwononokena yize yinasonewa mo! Mumu mwaka uze yuma yize yeswe muyikamanunuka hiwakundama.

Usolwelo 13:18

Ha kunyingika chikuma chino, chatamba kubwa ni mana. Yoze uli ni malinjekela mahasa kunyingika ulumbunwiso wa kwalula ngongo yoze, mumu kwalula chize chinalite ni jina lia mutu. Kwalula cha mutu yoze chili kulakaji jisambano ni makumi asambano ni yisambano.