Marku 13:13 - Mukanda Wa Zambi 1970

¹³ Atu eswe maakanuvutwokela mumu hali yami. Alioze yoze makanyongonona ndoo ku songo, kumakamulamwina.”

MUKANDA USANDU WA ZAMBI 1975

¹³ Kumakanuvwila kole kuli eswe mumu ha jina liami: alioze yoze manyongonona ndo ku songo, kumakamulamwina.

Marku 13:13 Iomraidhean Croise

Daniel 12:12

Kaawaha waze maakafunga ufulielo wo ndoo ni kumanunuka cha matangwa 1,335!

Mateu 10:22

Atu eswe maakanuvutwokela mumu ha jina liami. Alioze yoze makanyongonona ndoo ku songo kumakamulamwina.

Mateu 24:13

Alioze yoze makanyongonona ndoo ku songo, kumakamulamwina.

Mateu 24:9

“Hohene atu maakanukwata, maakanumwesa lamba, maakanushiha. Eswe maakanuvutwokela mumu ha jina liami.

Marku 13:12

Asongo ni atu maakalikunjika ku kufwa. Atata maakakunjika ana jo. Ana maakakatukila yisemi, maakaashihisa.

Luka 21:17

Atu eswe maakanuvutwokela mumu hali yami.

Luka 6:22

“Yenu kunwawaha muze atu maanuvutwokela, muze maanulituna, muze maanuchoka, muze maanulelesa ngwe nuli abi, mumu hali yami Mwana Mutu.

Yoano 15:21

Alioze maakanulinga yeswe ayize mumu ha jina liami, mumu kaanyingikine yoze wangutumine.

Yoano 17:14

Hingunahe liji lie, ni akwa hashi haanaavutwokela, mumu ayo hi akwa hashi ko, ngwe yami hi nguli mukwa hashi ko.

A-ROMA 2:7

Zambi makahana mwono wa miaka yeswe kuli atu waze akunyongonona ha kulinga yibema, waze akufupa uhenya ni ulemu uze wakukatuka kuli Zambi, ni mwono uze kuushi kuhwa.

Galashia 6:9

Kanda tukokoloka ha kulinga kanawa, mumu tangwa mulikeza lize mutukahela mihuko, nyi kutwakokolokele.

Hebreu 10:39

Yetu kutushi ngwe waze akuhiluka kunyima ni kutokesa ufulielo wo. Alioze twakufuliela, ni Zambi kakutulamwina.

Hebreu 3:14

Mumu tuli akwa milimo ni akwo ni Kristu, nyi twakunyongonona ndoo ku songo ngwe chize twafulielele ku kabutu.

Tiangu (Jake) 1:12

Kawaha mutu yoze wakukumba mu yeseko. Mumu muze hakumba, mabwa ni mwono. Mwono uze uli chawana chize Zambi hanalakenya waze akumuzanga.

1 Yoano 3:13

Akwetu, kanda nulishimwoka nyi akwa hashi maanuvutwokela.

Usolwelo 2:10

Kanda wivwa woma ha lamba lize muukamona. Banjika! Sakwonga makasa amwe hakachi kenu mu zuwo lia lamba ha kunweseka. Munukamona lamba matangwa kumi. Nyongonona mu ufulielo we ndoo ku kufwa, mba mungukakwaha chipangula cha mwono.

Usolwelo 3:10

Nakulwezele ha kulihumikiza, mba yiulihumikiza. Kashika, ni yami mungukakufunga mu tangwa lia lamba lize mulikeza hali akwa hashi eswe ha kweeseka.