Marku 12:13 - Mukanda Wa Zambi 1970

¹³ Akwa lutwe yaatumina Yesu amwe Afariseu ni amwe a kuli Aherode ha kumutela muheto ni yihula.

MUKANDA USANDU WA ZAMBI 1975

¹³ O atumine kuli iye amwe a kuli A-Fwariseu ni a kuli A-Heronde, hanga akamutete ha kuhanjika chenyi.

Marku 12:13 Iomraidhean Croise

Miaso (Masamu) 140:5

Akwa kulengumuka haanangutela miheto, haangutela Wanda mu jila hanga ngufwe mo.

Miaso (Masamu) 38:12

Atu waze akuzanga kungushiha kaakungutela makambwila, waze akuzanga kungulemeka kaakunguhalila; keeshi kwecha kungutwama punga.

Izaya 29:21

Zambi makonona atu waze akulamikiza akwo, ni waze akukanjisa kumwesa yingulungulu lamba, ni waze akuhanjika mahuza hanga akwa kusamba keechi kwabatwila ni ululi.

Jeremia 18:18

Mba atu yaamba ngwo: “Tuyenu tutwame Jeremia punga! Matangwa eswe mutubwa ni mahako akutulongesa, ni akwa mana akutuyula, ni akwa munanyi akwambujola maliji a Zambi. Tumusumenu mulonga, kanda tumubanjika nawa.”

Mateu 16:6

Yesu yaamba ngwenyi: “Talenu kanawa, keyelenu yitumbo ya mbolo ya Afariseu ni ya Asaduseu.”

Marku 12:14

No yeeza nikumwamba ngwo: “Longeshi, tunanyingika ngwetu, yena kuuli wamwenemwene. Kuushi woma ha yize akunyonga atu, kuushi kutala ulemu wo, alioze wakulongesa Shimbi ja Zambi ni umwenemwene. Twambulwile, muchilita ni Shimbi jetu kulambula mwanangana wa Aroma lijimu, nyi ka? Chatamba kulambula, nyi ka?”

Marku 3:6

Afariseu yaatuhuka mu zuwo lia kuwayila nikulikungulula hazehene ni Aherode, yaamutwama punga hamuwika hanga amone chize maahasa kumushihisa.

Marku 8:15

Yesu yaakanyamisa ngwenyi: “Talenu kananwa, keyelenu yitumbo ya mbolo ya Afariseu ni ya Aherode.”

Luka 11:54

Yeeseka kumutela miheto hanga amukwate nyi mahanjika chimwe Chuma cha kupiasuka.