Marku 11:9 - Mukanda Wa Zambi 1970

⁹ Atu waze atetekelele kulutwe lia Yesu ni waze amukawile yaakololoka ngwo: “Vulie! Zambi awahise yoze uneza mu jina lia Mwene!

MUKANDA USANDU WA ZAMBI 1975

⁹ Ni waze atetekelele, ni waze akawile, akololokele ngwo, Vulie! Kafumana yoze uneza mu jina lia Mwene!

Marku 11:9 Iomraidhean Croise

Mateu 21:9

Mbunga yize atetekelele kulutwe lia Yesu ni yize amukawile yaakololoka ngwo: “Vulie Mwana wa David. Zambi awahise yoze uneza mu jina lia Mwene! Vulie Zambi Mwilu Mwahiana!”

Mateu 23:39

Ngunanwambulwila ngwami, chize ku tangwa lino, kunuchi kangumona nawa nichimwe, ndoo munukamba ngwenu: ‘Zambi awahise yoze uneza mu jina lia Mwene!’ ”

Marku 11:8

Anji yaalala mahina jo mu jila. Akwo yaalala mitango ya mitondo mu jila, ku minda ayibatwile.

Yoano 12:13

No yaanda mitango ya ngaji, yaatuhuka mu limbo ni kumubatwiza, yaakololoka ngwo: “Vulie! Zambi awahise yoze uneza mu jina lia Mwene. Zambi awahise Mwanangana wa Israele!”

Yoano 19:15

Alioze yaakololoka ngwo: “Mushihe, mushihe, muhate ha kulusu!” Pilatu yaahula ngwenyi: “Chinalite nguhate mwanangana wenu ha kulusu, nyi?” Mahako a lutwe a Zambi yaakumbulula ngwo: “Kutushi mwanangana mukwo shina mwanangana wa Aroma!”