Marku 11:22 - Mukanda Wa Zambi 1970

²² Yesu yambila tumbaji ngwenyi: “Fulielenu Zambi.

MUKANDA USANDU WA ZAMBI 1975

²² Yesu, waakumbulwile ngwenyi, Pwenu ni Ufulielo kuli Zambi.

Marku 11:22 Iomraidhean Croise

2 Sango Ja Mianangana 20:20

Atu yaalimeneka, yaaya ku puya hehi ni limbo lia Tekoa Muze te anakatuka, mwanangana yaalweza ngwenyi: “Yenu malunga ja Yuda ni a Yerusaleme! Jikijilenu hali Mwene Zambi yenu, mba munujikiza. Fulielenu yize ananulweze kuli akwa munanyi jenyi, mba munukumba.”

Miaso (Masamu) 62:8

Atu jami, shachilenu hali Zambi matangwa eswe! Mulwezenu lamba lienu heswe, mumu kali chiswamo chetu.

Izaya 7:9

Israele keshi ni tachi kuhiana limbo lio lia wanangana Samaria, ni Samaria keshi ni tachi kuhiana mwanangana Peka. “Nyi kuushi kunyongonona mu ufulielo kuuchi kalinduluka mu wanangana we.”

Mateu 14:29

Yesu ngwenyi: “Tweya!” Petulu yatuhuka mu wato, yabutuka kwenda ha meya nikuya kuli Yesu.

Mateu 17:20

Yesu ngwenyi: “Mumu ufulielo wenu ukepe. Chamwenemwene ngunanwambulwila ngwami, nyi nuli ni ufulielo ngwe lunona wa mostarde, kachi munwamba ku mulundu uno ngwenu: ‘Tutuluka, ulimbile akuze,’ newo muututuluka. Nichimwe kunuchi kachisa kenu! [

Mateu 21:21

Yesu ngwenyi: “Chamwenemwene ngunanwambulwila ngwami, nyi mumufuliela, kuyambashana ka, kunuchi kulinga wika chize hinalinga ku mutondo uno mukuyu, alioze munuhasa kwambila nawa mulundu uno ngwenu: ‘Tangumuka, ulimbile mu kalunga lwiji,’ necho kumuchibwa.

Marku 9:23

Yesu ngwenyi: “Kuwamba ngwe: ‘Nyi muuhasa.’ Yuma yeswe muyihasa kubwa kuli yoze unafuliela.”

Yoano 14:1

Yesu yambila tumbaji twenyi ngwenyi: “Mbunge jenu kanda jilibikala. Fulielenu Zambi, fulielenu nawa yami.

Kolosu 2:12

Mumu, muze anupapachishile, yanufunda hamwe ni Kristu, yanuhindwisa nawa hamwe nenyi. Chino chabwile mumu nwafulielele ndundo ja Zambi yoze wamuhindwishile.

Titu 1:1

Yami Paulu, kavumbi ka Zambi kanda kanganda ka Yesu Kristu, ngunakusonekena yena Titu, mwanami wamwenemwene mu ufulielo wetu. Zambi hanangutongola ha kukolesa ufulielo wa atu, waze iye mwene hanatongola, ni kwalongesa chinyingi cha umwenemwene cha kuwayila chetu, hanga ase mbunge ku mwono wa miaka yeswe. Zambi, yoze keshi kuhanjika mahuza, hanatulakenya mwono uno shimbu te miaka kanda yichibwa. Zambi, ha tangwa lize atongwele, yasolola longeso lienyi. Longeso lino angukunjikile, ngunaliambujola nikulita ni Shimbi jize anguhele Zambi, Chilamwina chetu. Zambi Tata ni Kristu Yesu, Chilamwina chetu, anulweze utu ni anwehe uhwimino.