Marku 11:18 - Mukanda Wa Zambi 1970

¹⁸ Muze mahako a lutwe a Zambi ni alongeshi a Shimbi haachivwa, yaafupafupa mana a kumushiha. Alioze yaamuvwila woma, mumu mbunga yeswe yaalishimwoka kuhiana ha longeso lienyi.

MUKANDA USANDU WA ZAMBI 1975

¹⁸ Asasendote akwa lutwe ni akwa kusonyeka achivwile, no afupile ngwe chize mahasa kumwonwona: mumu amuvwilile woma, mumu mbunga yeswe alishimwokene ha longeso lienyi.

Marku 11:18 Iomraidhean Croise

1 Yitanga Ya Mianangana 21:20

Muze Ahabe hamona Eliya, yamuhula ngwenyi: “Yena mukwa kole yami, hiwanguwana nawa, nyi?” Eliya ngwenyi: “Ewa, hinakuwana nawa, mumu hiwalikunjika ni kuvulununa Mwene Zambi.

1 Yitanga Ya Mianangana 22:18

Ahabe yambila Yehosafate ngwenyi: “Chambile ngwami, yono mahanjika munanyi chibi hakutwala kuli yami, hi chibema ko, nyi?”

1 Yitanga Ya Mianangana 22:8

Ahabe ngwenyi: “Mutu mukwo uliko yoze mahasa kutuhulila kuli Mwene Zambi, Mikaya mwana wa Imla. Alioze kole ngunamuvwila mumu kakuhanjika munanyi chibi hali yami, hi chibema ko.” Yehosafate ngwenyi: “Kanda wamba mo.”

Izaya 49:7

Zambi Munangi wa Aisraele kanda Mukwa Kwakula kanambila kavumbi ka akwa kuyula yoze akulelesa ni kuvutwokela kuli mavungu, ngwenyi: “Mianangana maakamona chize muukatusuka, maakakatuka ni kukulemesa. Ana ja mianangana a malunga no maakachimona nawa, kumaakafukama ku meso je ni kukulemesa.” Chino muchikabwa mumu Mwene Zambi hanatongola kavumbi kenyi; Zambi munangi wa Aisraele hanamanununa yilakenyo yenyi.

Mateu 21:15

Mahako a lutwe a Zambi ni alongeshi a Shimbi yeevwa wuli mumu ha yitanga ya kulishimwoka yize alingile Yesu, ni mumu ha kukololoka cha ana mu zuwo lia Zambi ngwo: “Vulie Mwana wa David!”

Mateu 7:28

Muze Yesu hamanununa maliji wano, mbunga yaalishimwoka kuhiana ha longeso lienyi.

Marku 1:22

Atu waze amuvwile, yaalishimwoka kuhiana ha longeso lienyi. Mumu kabwile ko ngwe alongeshi a Shimbi, alioze Yesu te kakulongesa ni chiyulo.

Marku 11:32

Alioze, nyi twakumbulula ngwetu: ‘Cha hashi’…” (Yeevwa woma wa mbunga, mumu atu eswe yaanyonga ngwo, Yoano kali mukwa munanyi wa Zambi.)

Marku 12:12

Akwa lutwe ja Ayuda yaafupa mana kumukwata, mumu yaanyingika ngwo, kata chishima chino cha kwahisa. Alioze yeevwa woma wa mbunga. Kashika yaamwecha, yaaya kwo.

Marku 3:6

Afariseu yaatuhuka mu zuwo lia kuwayila nikulikungulula hazehene ni Aherode, yaamutwama punga hamuwika hanga amone chize maahasa kumushihisa.

Marku 6:20

mumu Herode yevwila Yoano woma, yanyingika ngwenyi, kali mukwa ululi kanda munangi. Kashika, yamufunga kanawa. Herode yakakashana kuhiana muze amuvwile, alioze yawahilila kumwivwa.

Luka 19:47

Tangwa ha tangwa Yesu yalongesa mu zuwo lia Zambi. Mahako a lutwe a Zambi, ni alongeshi a Shimbi, ni akwa lutwe ja atu yaazanga kumushiha.

Luka 2:47

Eswe waze amuvwile, yaalishimwoka ha malinjekela jenyi ni yikumbululo yenyi.

Luka 20:19

Alongeshi a Shimbi ni mahako a lutwe a Zambi yaafupa mana a kukwata Yesu ha shimbu lizeliene, mumu yaanyingika ngwo, kata chishima chino ha kwahisa, alioze yeevwila atu woma.

Luka 4:22

Eswe yaashindakenya, yaalishimwoka ha maliji abema waze ahanjekele, yaahula ngwo: “Awu hi mwana wa Josefe ko, nyi?”

Yoano 7:1

Kulutwe lia yuma yino, Yesu yabutuka kwendangana mu chifuchi cha Galilea. Kazangile ko kwenda mu chifuchi cha Yudea, mumu Ayuda yaazanga kumushiha.

Yoano 7:19

Mose hananwehe Shimbi, nyi? Hindu niumwe hakachi kenu wakujifunga. Kuchi kevwe nwakuzanga kungushiha?”

Yoano 7:46

Tufunga yaakumbulula ngwo: “Haanga! Niumwe mutu kanda ahanjika kama ngwe yoze!”

Yilinga 24:25

Alioze muze Paulu ahanjekele hakutwala ku ululi, ni kulihumikiza, ni ku ubatwilo uze muukeza, Felix yevwa woma, yamba ngwenyi: “Haliabwila yako. Mungukutambika nawa muze mungubwa ni tangwa libema.”