Marku 11:1 - Mukanda Wa Zambi 1970

¹ Muze haakundama ku Yerusaleme, ku yihunda ya Betfaje ni Betania, ha mwanda wa mulundu wa Olive, Yesu yatuma tumbaji twenyi aali kulutwe, ngwenyi:

MUKANDA USANDU WA ZAMBI 1975

¹ Muze akundamine ku Yerusaleme, ku Mbetefweje ni Mbetaniya, ku mulundu wa Olevwe, yatuma aali a kuli tumbaji twenyi.

Marku 11:1 Iomraidhean Croise

2 Samuel 15:30

Mwanangana David yakanduka ha mundundena wa Mitondo Olive nikulila. Te hazula sapato ni halifuka hina ku mutwe ni chinyengo, ni eswe waze amukawile te kaanafuku mitwe yo, yaalila.

Zakaria 14:4

Ha tangwa lize makamana ha mulundu wa Olive ku chivumbuko cha Yerusaleme. Mba mulundu wa Olive muukabulika yihanda yaali, chize ku chivumbuko ndoo ku chitokelo chingulunga chinene muchikabwa ko. Chimwe Chihanda cha mulundu muchikaya ku norde, chikwo ku sude.

Mateu 21:17

Mba Yesu yaahichika, yatuhuka mu limbo akaye ku chihunda cha Betania. Kwenako abombele.

Mateu 24:3

Shimbu Yesu machitwama ha mulundu wa Olive, tumbaji yaamukundama ku tenga nikwamba ngwo: “Twambulwile kama mwiji muka yize yeswe muyikabwa ko. Chilayi chika muchikalweza kwiza che ni songo lia mwakono?”

Mateu 26:30

Hohene yeemba mwaso, mba yaaya ku mulundu wa Olive.

Marku 11:2

“Yeenu ku chihunda chize chasulangana ni yenu. Muze mununjila mo munuwana mwana wa chimbulu wakukasa, hali yoze mutu niumwe kanda achitwama ho kama nilimwe tangwa. Mujitulenu, nungunehene yo.

Marku 13:3

Yesu yatwama ha mulundu wa Olive, talanganyi ni zuwo lia Zambi lia Ayuda, muze Petulu, ni Tiangu (Jake), ni Yoano, ni Andre haamukundama ha ukawo. Yaamwamba ngwo:

Marku 14:13

Mba Yesu yatuma tumbaji twenyi aali nikwamba ngwenyi: “Yeenu mu limbo. Mwenamo munutakana ni mutu unambata mulondo wa meya, mukaulenu.

Marku 6:7

Yatambika tumbaji twenyi kumi ni aali, mba yabutuka kwatuma aali aali. Yaaha chiyulo cha kutuhwisa nacho mwiku wa luchisa.

Yoano 8:1

Alioze Yesu yaya ku mulundu wa Olive.

Yilinga 1:12

Hohene tumbaji yaakatuka ku mulundu wa Olive nikuhiluka ku Yerusaleme, hi kusuku ko, ngwe kilometro yimuwika.