Marku 10:49 - Mukanda Wa Zambi 1970

⁴⁹ Yesu yamana, yamba ngwenyi: “Mutambikenu.” No yaatambika mwe kapuputa ngwo: “Hamuka, katuka, kanakutambika.”

MUKANDA USANDU WA ZAMBI 1975

⁴⁹ Yesu wamanyine, wambile ngwenyi, Mutambikenu. No yatambika kapuputa, ngwo, Hamuka: katuka, kanakutambika.

Marku 10:49 Iomraidhean Croise

Miaso (Masamu) 145:8

Mwene Zambi kakuzanga atu, kakwevwila keke; keshi kutenuka nikawashi, zango lienyi kulishi kuhwa.

Miaso (Masamu) 86:15

Alioze yena Mwene Zambi, uli Zambi ya keke ni zango; kuushi kutenuka nikawashi, alioze wakulweza atu utu, wakumanununa yeswe yize wakwamba.

Mateu 9:2

Kuma amwe yaamunehena mukwa kalepa, te kanabombo ha muhela. Muze hamona ufulielo wo, Yesu yambila mukwa kalepa ngwenyi: “Mwanami, hamuka, milonga ye hiyakonekenewa.”

Marku 10:50

Bartimeu yambila chikuto chenyi, yanyangumuka, yeza kuli Yesu.

Luka 18:40

Yesu yamana, yamba hanga amunehene yo. Muze mwe kapuputa heza, Yesu yamuhula ngwenyi:

Yoano 11:28

Muze hamba yuma yino, Marta yaya ni kutambika mwanakwo Maria, yamwambila ku tenga ngwenyi: “Longeshi kwali akuze. Kanakutambika.”

Hebreu 2:17

Chinalumbunuka ngwo, Yesu chamutamba kulifwa ni ana akwo ha yuma yeswe, hanga akabwe mwata wa mahako ku meso ja Zambi, mukwa kushishika yoze wakuvwila atu keke, hanga akaukule ku milonga yo.

Hebreu 4:15

Mwata wa mahako a Zambi kakumona lamba hamwe ni yetu mu ulelu wetu. Mumu Sakwonga hanamweseka mu yuma yeswe ngwe chize akweseka nawa yetu, alioze kavulumwine ko.