Marku 10:47 - Mukanda Wa Zambi 1970

⁴⁷ Muze hevwa ngwo: “Auze Yesu Kanazare,” yabutuka kukololoka ngwenyi: “Yesu, Mwana wa David, nguvwile kama keke!”

MUKANDA USANDU WA ZAMBI 1975

⁴⁷ Muze evwile ngwo, Yesu Ka-Nazare, waputukile kuteta, ngwenyi, Yesu, yena mwana David, nguvwile kama keke.

Marku 10:47 Iomraidhean Croise

Izaya 11:1

Vungu lia wanangana wa David lili ngwe mutondo uze haanunguna; alioze ngwe chize mitango yaha yakusokoloka ku chimbunji, Chenacho nawa mwanangana wa ku vungu lia David makasoloka.

Mateu 1:1

Wano e majina a tushakulu twa Yesu Kristu, wa ku vungu lia David, ku munyachi wa Abrahama.

Mateu 12:23

Mbunga jeswe yaalishimwoka, ngwo: “Yono hi Mwana wa David ko, nyi?”

Mateu 15:22

Umwe pwo wa ku Kanana, te katwama ku chifuchi chize, yeza kuli iye nikukololoka ngwenyi: “Mwene, Mwana wa David, nguvwile kama keke! Mwanami wa pwo kali ni mwiku wa luchisa; wakunumwesa lamba linji.”

Mateu 2:23

Yaya ni kutwama mu limwe limbo jina lialio Nazare. Chenacho chamanunukine liji lize Zambi ahanjikile kuli akwa munanyi jenyi ngwenyi: “Kumakamuvuluka ngwo, Kanazare!”

Mateu 20:30

Tupuputa aali te anatwama ku sesa lia jila. Muze heevwa ngwo, Yesu kanabalika, yaabutuka kukololoka ngwo; “Mwene, Mwana wa David, tuvwile kama keke!”

Mateu 21:11

Mbunga yaakumbulula ngwo: “Awu mwe Yesu, mukwa munanyi wa Zambi wa ku Nazare mu chifuchi cha Galilea.”

Mateu 21:9

Mbunga yize atetekelele kulutwe lia Yesu ni yize amukawile yaakololoka ngwo: “Vulie Mwana wa David. Zambi awahise yoze uneza mu jina lia Mwene! Vulie Zambi Mwilu Mwahiana!”

Mateu 26:71

Mba Petulu yaya ku chikolo cha chipanga. Mwana pwo mukwo yamumona, yambila waze abwile ko ngwenyi: “Yono kabwanga hamwe ni Yesu Kanazare.”

Mateu 9:27

Yesu yakatuka ko. Muze te anabalika, tupuputa aali yaamukaula nikukololoka ngwo: “Mwana wa David, tuvwile kama keke!”

Marku 1:24

“Kuchi yetu ni yena, Yesu Kanazare? Hiweza mu kutwonona, nyi? Ngunakunyingika kanawa, mwe Munangi yoze atumine Zambi.”

Luka 4:16

Yesu yahiluka ku Nazare kuze akolelele. Ha tangwa lia kuhwima yanjila mu zuwo lia kuwayila lia Ayuda nikulita ni ndako yenyi. Yakatuka atange Mukanda wa Zambi.

Yoano 1:46

Natanele yamuhula ngwenyi: “Chuma chibema muchihasa kukatuka ku Nazare, nyi?” Filipe ngwenyi: “Tweya utale.”

Yoano 19:19

Pilatu yasonekesa Chisoneko ni kuchisa ha kulusu: “Yesu Kanazare, mwe Mwanangana wa Ayuda.”

Yoano 7:41

Akwo yaamba ngwo: “Yono mwe Chilamwina yoze Zambi alakenyene!” Alioze akwo ngwo: “Kuma Chilamwina yoze Zambi alakenyene makatuka ku Galilea, nyi?

Yoano 7:52

Yaamukumbulula ngwo: “Haa! Ni yena nawa uli Kagalilea, nyi? Hengula mu Mukanda wa Zambi, umone ngwe, niumwe mukwa munanyi wa Zambi wakukatuka ku Galilea” [

Yilinga 6:14

Hitunamwivu mamba ngwenyi: ‘Yesu yono, wa ku Nazare, makonona zuwo lino lia Zambi ni kwalumuna Shimbi jize atuhele Mose.’ ”

Usolwelo 22:16

“Yami, Yesu, hingunatumu kanganda kami ka mwilu ha kwambujola yuma yino yeswe mu Yikungulwila. Nguli wa ku Chikota cha David, nguli mutumbu yoze wakutemuka ha chichamene.”