Marku 10:43 - Mukanda Wa Zambi 1970

⁴³ Alioze hi chocho ko hakachi kenu. Nyi umwe hakachi kenu mazanga kubwa munene, chamutamba kubwa kavumbi kenu.

MUKANDA USANDU WA ZAMBI 1975

⁴³ Alioze hi chocho ko hakachi kenu: mweswawo mazanga kupwa munene hakachi kenu, akapwe kavumbi kenu;

Marku 10:43 Iomraidhean Croise

Marku 10:42

Mba Yesu yaatambika eswe nikwamba ngwenyi: “Nunanyingika ngwenu, akwa kuyula ja atu kaakuyula ni tachi, ni anene jo kaakuyula ni chiyulo cheswe.

Marku 10:44

Nyi umwe hakachi kenu mazanga kubwa mutangu, chamutamba kubwa ndungo ya eswe.

Marku 9:35

Yesu yatwama, yatambika tumbaji kumi ni aali ni kwamba ngwenyi: “Nyi umwe mazanga kubwa mutangu, chamutamba kubwa kunyima lia akwo eswe, kanda kavumbi ko.”

Luka 14:11

Mumu mweswe malilemesa, Zambi makamulelesa, ni yoze malilelesa, Zambi neye makamulemesa.”

Luka 18:14

Yesu yawezaho nwenyi: “Ngunanwambulwila ngwami, mutu yono yahiluka ku mahienyi mukwa kusamba ku meso ja Zambi, alioze hi yoze mukwo ko. Mumu yoze malilemesa, Zambi makamulelesa; ni yoze malilelesa, Zambi neye makamulemesa.”

Luka 22:26

Alioze hi chocho ko ni yenu. Mumu yoze munene Wahiana hakachi kenu chamutamba kubwa ngwe kanuke, ni mukwa lutwe chamutamba kubwa ngwe mukwa kuvumbika.

Luka 9:48

yaamba ngwenyi: “Yoze matambula mwana yono mu jina liami, mangutambula yami. Ni yoze mangutambula, matambula nawa yoze wangutumine. Mumu yoze uli mukepe Wahiana mukachi ka yenu eswe, mwenawo mwe munene Wahiana.”

Yoano 18:36

Yesu ngwenyi: “Wanangana wami hi wa hano hashi ko. Nyi Wanangana wami muubwa wa hano hashi, kachi tuvumbi twami maalitachika hanga keechi kungukunjika kuli Ayuda. Alioze Wanangana wami hi wa hano hashi ko.”

A-ROMA 12:2

Kanda nulitesa ni ndako ya hano hashi alioze tayizenu Zambi anwalumune manyonga jenu. Mba munuhasa kunyingika upale wa Zambi, yuma yibema, ni yize yakumuwahila, ni yize yinalite.

Galashia 5:13

Yenu, akwetu, Zambi hananutambika ha kubwa akwa kutusuka. Alioze kanda nutayiza usolo ubi wa uutu kunuyula mumu ha utuswilo uno. Shinoho lilingilenu ni zango.