Marku 10:22 - Mukanda Wa Zambi 1970

²² Alioze muze hachivwa, lunga yoze yahombola ku meso, yakatuka ni chinyengo chinji, mumu te pichi.

MUKANDA USANDU WA ZAMBI 1975

²² Alioze wavutukile ku meso ha liji lino, wakatukile ni chinyengo: mumu wapwile ni upite wunji.

Marku 10:22 Iomraidhean Croise

Ezekiel 33:31

Chenacho atu jami akulikungulula evwe yize muwamba, alioze yize Wakwalweza keeshi kuyalula. Kaakunyonga ngwo, maliji je kaali miaso yamokomoko. Kaakukaula ubite.

Mateu 13:22

Akwo akutambula mbuto mukachi ka mingonga. Enoo akwivwa longeso, alioze yibikalo ya hashi hano ni kwonga cha ubite yakukeketesa longeso, mba muliseka.

Mateu 19:22

Alioze mukweze yoze, muze hachivwa, yakatuka ni chinyengo, mumu te pichi.

Mateu 27:3

Muze Yudase, yoze wamukunjikile kuli akwa kole jenyi, hamona ngwenyi, Yesu haamuhisa, yevwa chinyengo, yahilwisa makumi atatu a mbongo kuli mahako a lutwe ni kuli makulwana,

Marku 10:21

Yesu yamutala ni zango, yamwamba ngwenyi: “Hindu Chuma chimuwika unahono. Yako, ulanjise yeswe yize uli nayo, utetele yiswale mbongo jize, muukabwa ni ubite mwilu. Mba Wize ungukaule.”

Marku 10:23

Yesu yatala sali ni sali, mba yambila tumbaji twenyi ngwenyi: “Chikalu pichi kunjila mu wanangana wa Zambi!”

Marku 6:20

mumu Herode yevwila Yoano woma, yanyingika ngwenyi, kali mukwa ululi kanda munangi. Kashika, yamufunga kanawa. Herode yakakashana kuhiana muze amuvwile, alioze yawahilila kumwivwa.

Marku 6:26

Mwanangana yevwa chinyengo chinji. Alioze mumu hali mashingo jenyi, ni hali waze te anatwama nenyi ku mesa kahashile kumuhangulula.

Luka 12:15

Mba yambila eswe ngwenyi: “Talenu kanawa, kanyamenu hakutwala ku lwahu weswe wa mbongo. Mumu mwono wa mutu hi Chuma cha yikumba yenyi ko, chibwe kali pichi kuhiana.”

Luka 18:23

Alioze lunga yoze, muze hachivwa, yevwa chinyengo chinji, mumu te pichi.

2 Korintu 7:10

Mumu chinyengo cha uzambi chakwalumuna mbunge ya mutu, chakumulamwina. Kashika kuchatambile kulinyenga ha chiyo. Alioze chinyengo cha hano hashi chakukoka kufwa.

Efesu 5:5

Nyingikenu kanawa ngwenu, chitanji niumwe, chibwe mukwa luchisa, chibwe mukwa lwahu wa mbongo, (mumu lwahu wa mbongo kali ngwe kukombelela mahamba) makanjila mu Wanangana wa Kristu ni wa Zambi.

2 Timoteu 4:10

Dema hangwehuka, mumu kakuzanga yuma ya hano hashi. Haya ku limbo lia Tesalonika. Kresene haya ku chifuchi cha Galashia, ni Titu ku chifuchi cha Dalmashia.