Marku 10:2 - Mukanda Wa Zambi 1970

² Afariseu yaamukundama yaamweseka ni kumuhula ngwo: “Muchilita ni Shimbi lunga kulakula pwo lienyi, nyi?”

MUKANDA USANDU WA ZAMBI 1975

² A-Fwariseu ejile kuli iye, amuhulile, nikumweseka ngwo, Muchilita ni shimbi hali lunga kulakula mukwo-pwo, nyi?

Marku 10:2 Iomraidhean Croise

Malaki 2:16

Mwene Zambi, Zambi ya Aisraele kanambe ngwenyi: “Nakubihilila ni mutu yoze malakula pwo lienyi. Nakubihilila ni uswii uze. Sako tachi, kanda ukolema chilakenyo che kuli pwo lie.”

Mateu 15:12

Hohene tumbaji yaakundama kuli Yesu nikumuhula ngwo: “Unanyingika ngwe Afariseu keevwanga wuli muze Wahanjikanga maliji wano, nyi?”

Mateu 16:1

Afariseu ni Asaduseu yeeza kuli Yesu ha kumweseka, yaamwita chilayi chize muchaalweza ngwo: chiyulo chenyi cha mwilu.

Mateu 19:3

Afariseu yaamukundama hanga amweseke. Yaamuhula ngwo: “Muchilita ni Shimbi lunga kulakula pwo lienyi ha chikuma cheswe, nyi?”

Mateu 22:35

Mba umwe wa kuli ayo, longeshi ya Shimbi, yazanga kweseka Yesu, yamuhula ngwenyi:

Mateu 23:13

“Lamba lienu alongeshi a Shimbi ni Afariseu, yilembekese! Mumu nwakukasa chajilo cha Wanangana wa mwilu ku meso ja atu! Kunushi kunjila mo yenwene, ni waze akuzanga kunjila mo kunushi kwatayiza! [

Mateu 9:34

Alioze Afariseu yaamba ngwo: “Mwata wa mwiku wa luchisa unamwehe tachi ja kutuhwisa najo mwiku uze.”

Marku 10:1

Yesu yakatuka ko, yaheta ku chifuchi cha Yudea, yazauka Yordau. Mbunga jinene yaamukunguluka nawa. Neye yaalongesa nikulita ni ndako yenyi.

Marku 10:3

Yesu neye yaahula ngwenyi: “Shimbi yika anuhele Mose?”

Marku 8:11

Afariseu yeeza, yaabutuka kuhamika ni Yesu. Ha kumweseka yaamwita chilayi chize muchaalweza ngwo, chiyulo chenyi cha mwilu.

Marku 8:15

Yesu yaakanyamisa ngwenyi: “Talenu kananwa, keyelenu yitumbo ya mbolo ya Afariseu ni ya Aherode.”

Luka 11:39

Mba Mwene yamwamba ngwenyi: “Yenu Afariseu nwakukosa haze lia musenge ni chenga, alioze muchima munazala ni kuzo ni ungulungulu.

Luka 16:14

Afariseu yeevwa maliji waze eswe, yaaseha Yesu, mumu te akuzanga ubite.

Luka 5:30

Afariseu ni alongeshi a Shimbi a ku mbunga yo yaalinyenyeta hali tumbaji twa Yesu ngwo; “Kuchi kevwe nunali ni nunanu hamwe ni akwa kulambwisa lijimu ni akwa lufuma mubi?”

Luka 6:7

Alongeshi a Shimbi ni Afariseu yaalayila Yesu nyi mawuka umwe ha tangwa ha kuhwima, mumu afupile chitela cha kumusumina nacho mulonga.

Luka 7:30

Alioze Afariseu ni alongeshi a Shimbi yaalituna chize Zambi azangile kwalingila, yaalituna upapachiso wa Yoano.

Yoano 11:47

Hohene Afariseu ni mahako a lutwe yaakungulula Mbunga ya Ngaji ja Ayuda ni kwamba ngwo: “Kuchi mutulinga? Mumu mutu yono kakulinga yilayi yinji!

Yoano 11:57

Mahako a lutwe a Zambi ni Afariseu te haahana Shimbi ngwo: “Mweswawo mamona kuze ali Yesu, eze atulweze, hanga tuhase kumukwata.”

Yoano 7:32

Afariseu yeevwa kulinyenyeta cha mbunga hakutwala kuli Yesu. Kashika ayo ni mahako a lutwe a Zambi yaatuma tufunga twa zuwo lia Zambi hanga akamukwate.

Yoano 7:48

Mukachi ka akwa kuyula jetu ni Afariseu umuwika uli mo yoze hanamufuliela, nyi?

Yoano 8:6

Yaamba chino ha kumweseka hanga amusume mulonga. Alioze Yesu yahetama hashi ni kusoneka ni munwe.

1 Korintu 10:9

Kanda tweseka Mwene Zambi ngwe chize alingile amwe hakachi ko, mba yaafwa ku kusuma cha manoka.