Marku 10:19 - Mukanda Wa Zambi 1970

¹⁹ Unanyingika Shimbi ngwo: ‘Kanda ushiha mutu, kanda Ulinga utanji, kanda wiya, kanda ushindakenya mahuza, kanda ulaka, lemesa tatenu ni noko!’ ”

MUKANDA USANDU WA ZAMBI 1975

¹⁹ Unanyingika maliji a shimbi ngwo, Kanda ushiha, Kanda ulinga utanji, Kanda wiya, Kanda ushindakenya mahuza, Kanda ulaka, Lemesa tatenu ni noko.

Marku 10:19 Iomraidhean Croise

Izaya 8:20

Akumbulule ngwe: “Banjikenu chize Mwene Zambi anangulongesa! Kanda ubanjika kuli tahi. Yuma yize akwamba kuyishi kunukwasa nichimwe.”

Marku 10:18

Yesu ngwenyi: “Kuchi unanguvuluka ngwe, mubema? Wakuhi mubema niumwe, shina Zambi wika.

Luka 18:20

Unanyingika Shimbi ngwo: ‘Kanda Ulinga utanji, kanda ushiha mutu, kanda wiya, kanda ushindakenya mahuza, lemesa tatenu ni noko.’ ”

A-ROMA 13:9

Shimbi jinambe ngwo: “Kanda Ulinga utanji, kanda ushiha mutu, kanda wiya, kanda uvwila chipululu.” Shimbi jino jeswe, ni jikwo nawa, jinaswila mu Shimbi yino yimuwika ngwo: “Zanga mwenyembo we ngwe chize wakulizanga yena mwene.”

A-ROMA 3:20

Mumu Zambi keshi kupwisa mutu niumwe mukwa ululi ha kumanununa Shimbi. Shimbi jakunyingikisa lume ngwo, mutu hanavulumuna.

Galashia 4:21

Ngwambulwilenu, yenu waze nwakuzanga kubwa mu chiyulo cha Shimbi, kunushi kwivwa chize Shimbi jinambe, nyi?

Galashia 5:14

Mumu Shimbi jeswe jinamanunuka mu liji lino ngwo: “Zanga mwenyembo we ngwe chize wakulizanga yena mwene.”

1 Tesalonika 4:6

Ha chikuma chino, niumwe kanda akalingila mukwo yibi, hanji kumulimuna. Hitwanwambulwila cho kulu, ni hitunatoweza nawa chikolo ngwetu, Mwene kumeza ni kumwesa lamba waze akulinga yuma ngwe yize.

Tiangu (Jake) 2:11

Mumu yoze wambile ngwenyi: “Kanda Ulinga utanji,” yamba nawa ngwenyi: “Kanda ushiha mutu.” Kashika, chibwe kuwalingile utanji, alioze nyi washiha mutu, hiwavulumuna Shimbi.