Marku 10:17 - Mukanda Wa Zambi 1970

¹⁷ Muze Yesu hakatuka ha kuya mu wenyi, umwe lunga yazomboka, yafulamana ku meso jenyi, yahula ngwenyi: “Longeshi mubema, Chuma chika Changutamba kulinga hanga ngukabwe ni mwono wa miaka yeswe?”

MUKANDA USANDU WA ZAMBI 1975

¹⁷ Shimbu machituhuka mukuya mu jila, umwe wazombokele kuli iye, waliendelele kuli iye, nikumuhula ngwenyi, Longeshi mupema, kuchi mungulinga, hanga ngukahinge mwono wa mutolo?

Marku 10:17 Iomraidhean Croise

Daniel 6:10

Muze Daniel hevwa ngwo, mwanangana hasoneka jina lienyi mu mukanda wa Shimbi, yaya ku mahienyi. Mu chibatulo cha zuwo lienyi cha kwilu yimubwa tupenda waze te atala ku Yerusaleme. Kwenako asele makungunwa hashi ni kulemba Mwene Zambi yisuho yitatu tangwa ha tangwa, nikulita ni ndako yenyi.

Mateu 17:14

Muze haaheta ku mbunga, umwe mutu yakundama kuli Yesu, yaliondela ku meso jenyi ngwenyi:

Mateu 25:34

Hohene Mwanangana makambila waze ku chindume ngwenyi: ‘Tweyenu, yenu waze Tata hanawahisa, nuhinge wanangana uze anululikilile chize ku kutanga cha hashi.

Mateu 28:8

No yaakatuka nikawashi ku fuka, yeevwa woma unji ni uwahililo unji, yaazomboka ni kulweza tumbaji twenyi.

Marku 1:40

Mukwa mbumba yeza kuli Yesu, yaliumba ha makungunwa ku meso jenyi ngwenyi: “Nyi unazange, muuhasa kama kungubemesa.”

Marku 10:18

Yesu ngwenyi: “Kuchi unanguvuluka ngwe, mubema? Wakuhi mubema niumwe, shina Zambi wika.

Marku 12:14

No yeeza nikumwamba ngwo: “Longeshi, tunanyingika ngwetu, yena kuuli wamwenemwene. Kuushi woma ha yize akunyonga atu, kuushi kutala ulemu wo, alioze wakulongesa Shimbi ja Zambi ni umwenemwene. Twambulwile, muchilita ni Shimbi jetu kulambula mwanangana wa Aroma lijimu, nyi ka? Chatamba kulambula, nyi ka?”

Marku 9:25

Yesu, ha kumona mbunga ni kukundama fuji, yakalumukina mwiku wa luchisa ngwenyi: “Yena mwiku wa kanaye kanda kafwa matwi, ngunakwambe ngwami, tuhuka muli iye. Kanda umunjila mo nawa.”

Luka 10:25

Hohene umwe longeshi ya Shimbi yeza ni kutela Yesu muheto, yamuhula ngwenyi: “Longeshi, kuchi Changutamba kulinga hanga ngubwe ni mwono wa miaka yeswe?”

Yoano 3:2

Mwenawo yeza kuli Yesu te ufuku, yamwamba ngwenyi: “Longeshi, tunanyingika ngwetu, Zambi hanakutumu ha kulongesa, mumu mutu niumwe mahasa kulinga yilayi yize wakulinga yena, shina Zambi abwe hamwe nenyi.”

Yoano 5:39

Nwakuhengula mu Mukanda wa Zambi, mumu mwenamo nunashinginyeka kubwa ni mwono wa miaka yeswe. Wenawo wakungushindakenya.

Yoano 6:40

Mumu Tata kakuzanga ngwenyi, eswe waze haanamono Mwana, ni akumufuliela, abwe ni mwono wa miaka yeswe. Ni yami mungukaahindwisa ha tangwa liakusula.”

Yilinga 16:30

Yaaneha haze, yaahula ngwenyi: “Miata, yika Changutamba kulinga hanga angulamwine kama?”

Yilinga 2:37

Muze atu haachivwa, yaalibikala mu mbunge, yaahula Petulu ni tunganda twa Yesu ngwo: “Akwetu, kuchi kevwe mutulinga?”

Yilinga 20:32

“Haliabwila ngunanukunjika kuli Zambi ni ku liji lia utu wenyi. Kanahase kunukolesa ni kunuwahisa ni yiwape yize aswekelele atu jenyi.

Yilinga 9:6

Alioze katuka unjile mu limbo. Kwenako maakakwambulwila chize Chakutamba kulinga.”

A-ROMA 2:7

Zambi makahana mwono wa miaka yeswe kuli atu waze akunyongonona ha kulinga yibema, waze akufupa uhenya ni ulemu uze wakukatuka kuli Zambi, ni mwono uze kuushi kuhwa.

A-ROMA 6:23

Mumu fweto yize akuhana shili yili kufwa. Alioze chawana chize akuhana Zambi mu utu wenyi, mwono wa miaka yeswe ha kulinunga ni Yesu Kristu, Mwene wetu.

Efesu 1:18

Nakuliumba ngwami, anwazulwile manyonga jenu ha kumona Pangu lienyi. Chenacho nunyingike: Chuma chize anutambikilile Zambi ha kuchisa mbunge, ni kulumbama cha yiwape yize akulakenya akwa Kristu,

Titu 3:7

Hachilinga hanga, ku utu wenyi, atupwise akwa ululi, ni hanga tuhase kutambula mwono wa miaka yeswe, uze twakusa mbunge.

Hebreu 1:14

E tunganda a mwilu aya? Eswe kaali mwiku uze wakulingila Zambi, uze Zambi akutuma ha kukwasa waze maazuka ulamwino.

1 Petulu 1:4

chihinga chize Zambi anafungila atu jenyi. Chili chihinga chize kuchahashile kubola, chibwe kubwa ni majilo, chibwe kujimuka ka.

1 Yoano 2:25

Chino che chilakenyo chize Kristu atulakenyene—mwono wa miaka yeswe.