Marku 10:14 - Mukanda Wa Zambi 1970

¹⁴ Yesu yachimona, yevwa wuli, yaamba ngwenyi: “Tayizenu ana eze kuli yami. Kanda nwakanjisa, mumu Wanangana wa Zambi wa atu ngwe wano.

MUKANDA USANDU WA ZAMBI 1975

¹⁴ Alioze muze Yesu achimwene, evwile kupiha, wambile kuli ayo ngwenyi, Tayizenu ana akepe eze kuli yami; kanda nwakanjisa: mumu wanangana wa Zambi wa wano ene.

Marku 10:14 Iomraidhean Croise

Ubutukilo 17:7

“Usendo uno ngunakolesa ni yena ni vungu lie nawa ndoo ku miaka yeswe. Mungukabwa Zambi ye kanda Zambi yo.

Miaso (Masamu) 78:4

Kutwahashile kuyiswekela ana jetu. Mutukayambulula ku Chisemuko cha kulutwe, ndundo ja Mwene Zambi ni yitanga yenyi, ni yuma ya kukomwesa yize hanalingi.

Izaya 65:23

Milimo yo muyikawaha, ni ana jo keechi kumona lamba. Mungukaawahisa ni lie vungu lio ku miaka yeswe.

Kwalula 14:31

Hinunambe ngwenu, ana jenu maakabwa funge, alioze mungukaatwala mu chifuchi chize hinunehuka. Muchikabwa chifuchi cho.

Mateu 18:10

“Kanyamenu, kanda nulelesa umwe wa kuli twanuke wano akepe. Ngunanwambulwila ngwami, tunganda two a mwilu kaakumana matangwa eswe ku meso ja Tata wa mwilu. (

Mateu 18:4

Yoze malikehesa ni kubwa ngwe kanuke yono, mwe munene Wahiana mu Wanangana wa mwilu.

Mateu 19:14

Yesu ngwenyi: “Tayizenu ana eze kuli yami. Kanda nwakanjisa, mumu Wanangana wa mwilu wa atu ngwe wano.”

Mateu 5:10

“Kaawaha waze anaahungumiona mumu ha ululi, mumu Wanangana wa mwilu niwo!

Mateu 5:3

“Kaawaha waze akunyingika ngwo: ‘tuli yiswale mu mbunge,’ mumu Wanangana wa mwilu niwo!

Marku 3:5

Yesu yaatala eswe ni utenu, yevwa chinyengo kuhiana mumu ha kukala cha mbunge jo, yambila mwe mutu ngwenyi: “Olola kwoko lie.” Neye yaliolola mba yilibwa lingunu.

Marku 8:33

Alioze Yesu yatewuluka, nikutala tumbaji twenyi, yabajila Petulu ngwenyi: “Ngukatuke Sakwonga, mumu kuushi kunyonga ngwe Zambi, alioze ngwe atu.”

Yoano 3:3

Yesu ngwenyi: “Chamwenemwene ngunakwambulwila ngwami, niumwe mahasa kumona Wanangana wa Zambi, shina masemuka kwilu.”

Yoano 3:5

Yesu ngwenyi: “Chamwenemwene ngunakwambulwila ngwami, niumwe mahasa kunjila mu Wanangana wa Zambi, shina masemuka ku meya ni ku Mwiku wa Linanga.

Yilinga 2:39

Mumu chilakenyo chino chili cha yenu, ni cha ana jenu, ni cha eswe waze ali kusuku, ni cha eswe waze Mwene Zambi yetu hanaatambika iye mwene.”

Yilinga 3:25

Yenu nuli ana ja akwa munanyi a Zambi. Nuli ni Chihanda mu Usendo uze Zambi hanamanununa ni tushakulu twenu, muze ahanjikile kuli Abrahama ngwenyi: ‘Ni vungu lie mungukawahisa mavungu eswe a hashi.’

A-ROMA 11:16

Nyi umwe mahana Chihanda cha mwaha utangu wa mbolo kuli Zambi, kachi mwaha wa muundu nawa niwenyi. Nyi umwe mahana miji ya mutondo kuli Zambi, ni ye mitango nawa niyenyi.

A-ROMA 11:28

Ayuda haanlituna Sango Jibema. Kashika, kaali akwa kole ja Zambi—mumu hali yenu hi Ayuda ko. Alioze Zambi waatongwele hatangu. Kashika, kaali waze Zambi akuzanga, mumu hali tushakulu two.

1 Korintu 14:20

Akwetu, kanda nubwa ngwe twanuke mu kunyonga chenu. Bwenu ngwe ana hakutwala ku yuma yibi, alioze bwenu makulwana mu kunyonga chenu.

1 Korintu 7:14

Mumu Zambi kakutayiza lunga yoze hi mukwa Kristu ko, mu kulinunga ni pwo lienyi. Chimuwika nawa, Zambi kakutayiza pwo yoze hi mukwa Kristu ko, mu kulinunga ni lunga lienyi mukwa Kristu. Nyi kuchabwile chocho, ana jo maabwa ngwe waze kaanyingikine Zambi. Alioze Zambi kakwatayiza.

Efesu 4:26

Nyi nunevu wuli, talenu kanawa kanda nuvulumuna. Kanda nwivwa wuli ndoo ku kutoka cha tangwa.

Shimbi 4:37

Hananutongola, mumu wazangile tushakulu twenu, ni ku ndundo jenyi hanaanutuhwisa mu Egiptu.

2 Timoteu 1:5

Nakwiwuluka ufulielo we wamwenemwene uze abwile nawo kakenu Loye ni noko Unise. Ngunanyingika ngwami, ni yena nawa uli nawo.

2 Timoteu 3:15

ni unewuluka ngwe, chize ku wanuke we Unanyingika Mukanda wa Zambi. Wenawo Unahase kukwaha mana ha kuzuka ulamwino mu kufuliela Yesu Kristu.

Yoshua 8:35

Yoshua yatanga Shimbi jeswe ja Mose ku meso ja atu. Mu mbunga yimubwa mapwo, ni ana, ni njize waze te atwama mukachi ko.

1 Petulu 2:2

Bwenu ngwe ana a kemba waze anasemuka haliabwila: zangenu tangwa ha tangwa yamwa yibema ya uzambi, mba munutatuka ni manulamwina muze nunayinu.

Usolwelo 14:5

Te keeshi kuhanjika mahuza, keeshi kapalia.

1 Samuel 1:11

Hana yalakenya ngwenyi: “Mwene Zambi, Mukwa Ndundo Jeswe, tala kama luyinda wa yami kavumbi ke, ngwiwuluke, kanda unguvulama yami kavumbi ke. Nyi wangwaha kama mwana wa lunga, mungumukunjika mu moko je ha matangwa eswe a mwono wenyi, kechi katewula kambu jenyi nilimwe tangwa.”

1 Samuel 1:22

Alioze Hana kayile ko. Yalweza lunga lienyi ngwenyi: “Muze mwana hasumuka mba mungumutwala ku zuwo lia Mwene Zambi, akatwame ko miaka yeswe.”