Marku 10:1 - Mukanda Wa Zambi 1970

¹ Yesu yakatuka ko, yaheta ku chifuchi cha Yudea, yazauka Yordau. Mbunga jinene yaamukunguluka nawa. Neye yaalongesa nikulita ni ndako yenyi.

MUKANDA USANDU WA ZAMBI 1975

¹ Iye wakatukile kuze, yaheta ku manjiza ja Yundeya ni kuze kanda lia Yordau: ni mbunga yakungama kuli iye cheka nawa; iye ngwe ndako yenyi waalongesele cheka nawa.

Marku 10:1 Iomraidhean Croise

Longeshi 12:9

Longeshi te mukwa mana, kashika yanyongonona ni kulongesa atu yize te ananyingika. Yalilongesa yishima, yayeseka ni kutala nyi kuyili yamwenemwene.

Jeremia 32:33

Haanangumbu nyima. Chibwe nanyongonwene ni kwalongesa, hindu kaangubanjikile ni kaalilongesele ko.

Mateu 26:55

Ha shimbu lizeliene Yesu yahula mbunga ngwenyi: “Nuneza ni mikwale ni kanda ni kungukwata ngwe nguli muhuza, nyi? Tangwa ha tangwa natwamine mu zuwo lia Zambi nikulongesa, hindu kunwangukwachile ko.

Mateu 4:23

Yesu yendangana mu chifuchi cheswe cha Galilea, yalongesa mu mazuwo jo a kuwayila, yambujola Sango Jibema ja Wanangana, yawuka milali yeswe ya misongo ni weji hakachi ka atu.

Marku 1:21

Yesu ni tumbaji twenyi yaaya ku limbo lia Kafarnaume. Ha tangwa lia kuhwima, Yesu yanjila mu zuwo lia kuwayila lia Ayuda, yabutuka kulongesa.

Marku 10:2

Afariseu yaamukundama yaamweseka ni kumuhula ngwo: “Muchilita ni Shimbi lunga kulakula pwo lienyi, nyi?”

Marku 12:35

Yesu, muze te analongesa mu zuwo lia Zambi lia Ayuda, yahula atu ngwenyi: “Ngwe kuchi alongeshi a Shimbi maahasa kwamba ngwo: ‘Chilamwina yoze Zambi alakenyene kali mwana wa David’?

Marku 14:49

Tangwa ha tangwa nabwile hamwe ni yenu ni kunulongesa mu zuwo lia Zambi, hindu kunwangukwachile ko. Alioze yuma yize yasonewene mu Mukanda wa Zambi chatamba yimanunuke.”

Marku 2:13

Yesu yahiluka ku mbumbulu ya chitende cha Galilea. Mbunga yeezaza kuli iye. Neye yaalongesa.

Marku 4:2

Neye yaalongesa yuma yinji ni yishima. Mu longeso lienyi yaamba ngwenyi:

Marku 6:2

Ha tangwa lia kuhwima yabutuka kulongesa mu zuwo lia kuwayila lia Ayuda. Atu anji abwile mo. Muze heevwa longeso lienyi, yaalishimwoka kuhiana, yaalihula ngwo: “Yuma yino kulihi ayiwana? Mana aka atambula? Ngwe kuchi analingi yikomokeso yino?

Marku 6:34

Muze te anatuhuka mu wato, Yesu yamona mbunga yize yinene. Yeevwila keke mumu abwile ngwe mapanga waze keeshi kafunga, mba yabutuka kwalongesa yuma yinji.

Marku 6:6

Yesu yalishimwoka mumu kaafulielele ko. Yesu yendangana mu membo eswe akujingilika ni kulongesa.

Yoano 10:40

Yesu yaya nawa musali lia Yordau, kuze te Yoano akupapachishila, yatwama ko.

Yoano 11:7

Mba yambila tumbaji twenyi ngwenyi: “Tuhilukenu ku chifuchi cha Yudea.”

Yoano 18:20

Yesu yamukumbulula ngwenyi: “Nahanjikile mwazu mukachi ka atu eswe. Nalongesele tangwa ha tangwa mu mazuwo a kuwayila ni mu zuwo lia Zambi lia Ayuda, kuze te kwakukungulukila Ayuda. Chahanjikile nichimwe ku tenga.