Marku 1:7 - Mukanda Wa Zambi 1970

⁷ Yambujola ngwenyi: “Mutu meza kunyima liami; kananguhiana yami. Chatelele nichimwe kuhetama ni kujitula sapato jenyi.

MUKANDA USANDU WA ZAMBI 1975

⁷ Iye wambujolele ngwenyi, Kumeza kunyima yami yoze wakangana kuhiana yami, yoze lusapo wa ku haku jenyi chatelele kuhetama ni kumujitula.

Marku 1:7 Iomraidhean Croise

Mateu 3:11

Yami ngunanupapachisa ni meya mu kulweza ngwo, hinwalumuka ku mbunge. Alioze yoze meza kunyima liami makanupapachisa ni Mwiku wa Linanga ni kahia. Kananguhiana yami. Chatelele nichimwe kujitula sapato jenyi.

Mateu 3:14

Yoano yamukanda ngwenyi: “Chatamba yena ungupapachise yami, kuchi uneza kuli yami?”

Marku 1:6

Yoano te kakuzala hina lia kulinga ni mona ja kashitu munene, kamelu, ni muya wa kubu mu zalilo yenyi. Te kakulia makumbi ni wuchi wa mu yambu.

Marku 1:8

Yami hinanupapachisa ni meya, alioze iye makanupapachisa ni Mwiku wa Linanga.”

Luka 3:16

Kashika Yoano yambila eswe ngwenyi: “Yami, ngunanupapachisa ni meya, alioze umwe unanguhiana yami kumeza. Yami, chatelele nichimwe kujitula sapato jenyi. Iye makanupapachisa ni Mwiku wa Linanga ni kahia.

Yoano 1:27

Kaneza kunyima liami, alioze yami chatelele nichimwe kujitula sapato jenyi.”

Yilinga 13:25

Shimbu Yoano machimanununa milimo yenyi, yahula atu ngwenyi: ‘Nunanyongo ngwenu, yami iya? Hi nguli ko yoze nwakunyongena. Yami chatelele kujitula sapato ja yoze meza kulutwe liami.’

Yilinga 19:4

Paulu ngwenyi: “Chamwenemwene Yoano te kakupapachisa waze alumwokene ku mbunge nikwambila Aisraele ngwenyi: ‘Fulielenu yoze meza kulutwe liami, Yesu.’ ”

1 Samuel 25:41

Abigaile yafulamana, ngwenyi: “Yami nguli ndungo yenyi, ngunalulika ngubwe nikusanyisa molu ja tuvumbi twenyi.”