Marku 1:5 - Mukanda Wa Zambi 1970

⁵ Chifuchi cheswe cha Yudea ni atu eswe a mu limbo lia Yerusaleme te kaakwiza kuli Yoano nikushikisa milonga yo. Neye kakwapapachisa mu lwiji Yordau.

MUKANDA USANDU WA ZAMBI 1975

⁵ Kwatuhukile kuli iye akwa chifuchi cheswe cha Yundeya, ni waze eswe a ku Yerusaleme, iye waapapachishile mu lwiji Yordau, o nikushikisa milonga yo.

Marku 1:5 Iomraidhean Croise

Miaso (Masamu) 32:5

Mba yingushikisa shili yami kuli yena; chakuswekelele ko uhenge wami. Nabatwile ngwami, munguyishikisa kuli yena, ni yena yiungukonekena yo yeswe.

Yishima 28:13

Nyi wasweka milonga ye, kuuchi kawaha nichimwe. Alioze nyi muyishikisa ni kuyehuka, mba Zambi makuvwila keke.

Mateu 4:25

Mbunga jinene yaamukaula, waze akatukile ku chifuchi cha Galilea, ni ku Membo Kumi, ni ku limbo lia Yerusaleme, ni ku chifuchi cha Yudea, ni ku chifuchi cha musali lia Yordau.

Marku 1:4

Chenacho Yoano Chipapachisa asolokele mu puya, yambujola ngwenyi: “Alumukenu ku mbunge, anupapachise, mba Zambi manukonekena milonga yenu.”

Marku 1:6

Yoano te kakuzala hina lia kulinga ni mona ja kashitu munene, kamelu, ni muya wa kubu mu zalilo yenyi. Te kakulia makumbi ni wuchi wa mu yambu.

Yoano 1:28

Yino yeswe yabwile ku chihunda cha Betania musali lia lwiji Yordau, kuze te Yoano akupapachishila atu.

Yoano 3:23

Yoano neye yapapachisa atu ku Enone hakamwihi ni Salimi, mumu kuze kwabwile meya anji. Atu te kaakwiza kuli iye, mba yaapapachisa.

Yoano 5:35

Yoano wabwile ngwe ndeya yakuwika yize yinapanguka. Nwawahililile ni kubwa nenyi shimbu likepe.

Yilinga 19:18

Atu anji waze afulielele yaashikisa milonga yo, nikusolola ku meso ja atu eswe yize alingile hatangu.

Yilinga 2:38

Petulu ngwenyi: “Mutu ni mutu hakachi kenu alumuke ku mbunge, amupapachise mu jina lia Yesu Kristu ha ukonekeno wa milonga. Mba munutambula chawana cha Zambi, Mwiku wa Linanga.

Tiangu (Jake) 5:16

Kashika lishikishilenu milonga yenu, lilembelenu, hanga nuhinduke. Kuliumba cha mukwa ululi tachi jinji chikwete.

Yoshua 7:19

Yoshua yamwamba ngwenyi: “Mwanami, hanjika umwenemwene ku meso ja Mwene Zambi, Zambi ya Aisraele, ushikise. Ungulweze chize unakalinga. Kanda unguswekela cho.”