Marku 1:32 - Mukanda Wa Zambi 1970

³² Chingoloshi, muze tangwa hilianjila kulu, atu yaamunehena mieji eswe ni akwa mwiku wa luchisa.

MUKANDA USANDU WA ZAMBI 1975

³² Ha chingoloshi, ha kunjila cha tangwa, anehene kuli iye waze eswe ayijile, ni akwa ndemoniu,

Marku 1:32 Iomraidhean Croise

Mateu 4:24

Lufuma wenyi yafumana mu chifuchi cheswe cha Siria. Kashika, yaamunehena eswe waze ayijile misongo yeka ni yeka, ni waze amwene lamba lieka ni lieka, ni waze abwile ni mwiku wa luchisa, ni akwa chikonya, ni akwa kusosewa. Yesu yaawuka eswe.

Mateu 8:16

Muze te tangwa hiliatoka kulu, atu yaanehena Yesu mieji anji waze te akwete miku yibi. Yesu yatuhwisa miku yize yibi ni liji lienyi, yawuka mieji eswe.

Mateu 8:17

Yachilinga hanga chikamanunune liji lize Zambi ahanjikile kuli mukwa munanyi wenyi, Izaya, ngwenyi: “Iye mwene wambachile kukokoloka chetu ni misongo yetu.”

Marku 1:21

Yesu ni tumbaji twenyi yaaya ku limbo lia Kafarnaume. Ha tangwa lia kuhwima, Yesu yanjila mu zuwo lia kuwayila lia Ayuda, yabutuka kulongesa.

Marku 1:31

Yesu yamukundama yamukwata ku kwoko, yamukatwisa. Kachiki yamuhwa. Neye yaalingila yakulia.

Marku 3:2

Amwe atu yaalayila Yesu nyi mawuka mweji yoze ha tangwa lia kuhwima, hanga akamusume mulonga.

Luka 4:40

Muze tangwa hilianjila kulu eswe waze abwile ni mieji a misongo yeka ni yeka yaatwala kuli Yesu. Neye yasa moko hali mutu ni mutu, yaawuka eswe.

Luka 4:41

Mwiku wa luchisa yiutuhwoka muli mieji anji ni kukololoka ngwo: “Mwe Mwana Zambi yena!” Alioze Yese yaukanjisa, yawaha koki, mumu yiunyingika ngwo kali Chilamwina yoze Zambi alakenyene.