Marku 1:31 - Mukanda Wa Zambi 1970

³¹ Yesu yamukundama yamukwata ku kwoko, yamukatwisa. Kachiki yamuhwa. Neye yaalingila yakulia.

MUKANDA USANDU WA ZAMBI 1975

³¹ Iye wakundamine, wamukwachile ku kwoko, amuhindwise; ni kachiki wamukatukile, iye waavumbikile.

Marku 1:31 Iomraidhean Croise

Miaso (Masamu) 116:12

Yika mungumwaha Mwene Zambi, mumu ha yiwape yeswe yize hangulingila?

Mateu 27:55

Mapwo anji yaamana kusuku nikutala. Enoo akatukile ku chifuchi cha Galilea, te kaakukaula Yesu ni kumukwasa.

Marku 1:30

Naye weno ya Simone te kanabombo ha muhela, kanayiji kachiki. Hazehene yaamwambulwila yo.

Marku 1:32

Chingoloshi, muze tangwa hilianjila kulu, atu yaamunehena mieji eswe ni akwa mwiku wa luchisa.

Marku 15:41

Ayo eswe te kaakukaula Yesu muze abwile mu chifuchi cha Galilea ni kumukwasa. Yikubwa nawa mapwo anji akwo waze ejile hamwe nenyi ku Yerusaleme.

Marku 5:41

Yesu yakwata mwana ku kwoko, yamwamba ngwenyi: “Talita kumi,” kulumbunuka ngwo: “Mwana pwo, ngunakwambe ngwami, Hinduka!”

Yilinga 9:41

Petulu yamukwata ku kwoko, yamukatwisa. Mba yatambika akwa kufuliela ni mapwo waze haanafwisa malunga, yaakunjika yo ni mwono.