Marku 1:27 - Mukanda Wa Zambi 1970

²⁷ Atu yaalishimwoka kuhiana! Yaalihula ngwo: “Chino chika? Longeso liaha, Mumu chiyulo akwete. Chibwe mwiku wa luchisa muumwononokena!”

MUKANDA USANDU WA ZAMBI 1975

²⁷ Eswe akomokene, nikulihula hakachi ko ngwo, Chino chika? Longeso lino liaha kuchi liapwa? Mumu ni chiyulo mamba chipwe maspiritu a luchisa, no mamwononokena.

Marku 1:27 Iomraidhean Croise

Mateu 15:31

Mbunga yaalishimwoka ha kumona ngwo, tunaye kaanahanjika, yitonji kaanahinduka, yilema kaanende kanawa, tupuputa kaanamono. Atu yaalemesa Zambi ya Israele.

Mateu 8:9

Yami mwene nguli mu chiyulo cha miata jami, ni tujita nguli no mu chiyulo chami. Mungwambila umuwika ngwami: ‘Yako!’ mba maya; ni mukwo ngwami: ‘Tweya!’ mba meza. Mungwambila kavumbi kami ngwami: ‘Linga chino!’ mba machilinga.”

Mateu 9:33

Muze Yesu hatuhwisa mwiku uze wa luchisa, kanaye yabutuka kuhanjika. Mbunga yaalishimwoka kuhiana nikwamba ngwo: “Kutwachimwene nilimwe tangwa mu Israele!”

Marku 1:26

Mwiku wa luchisa yiukololoka chikolo, mba yiumutuhuka.

Marku 1:28

Lufuma wa Yesu yafumana nikawashi mu chifuchi cheswe cha Galilea.

Marku 10:24

Tumbaji yaalishimwoka kuhiana ha maliji jenyi. Alioze Yesu yaambila nawa ngwenyi: “Ana jami, chikalu kunjila mu Wanangana wa Zambi!

Marku 10:32

Yesu ni tumbaji twenyi te mu jila ali ya kuya ku Yerusaleme. Yesu yaatetekela. No yaalishimwoka kuhiana. Akwo waze te anakaula, yeevwa woma. Yesu yatwala nawa tumbaji kumi ni aali ku tenga, yaambulwila yuma yize muyikanuwana kulutwe ngwenyi:

Marku 16:5

Muze haanjila mu fuka, yaamona mukweze kanatwama ku chindume, te kanazala hina litoma. No yeevwa woma unji.

Marku 16:6

Alioze mukweze yaamba ngwenyi: “Kanda nwivwa woma. Nunafupu Yesu Kanazare, yoze anakahachila ha kulusu. Hahinduka, amuno keshimo. Talenu homa haze anakamusa.

Marku 7:37

Atu yaalishimwoka kuhiana, yaamba ngwo: “Hanalingi yuma yeswe kanawa. Kakwivwisa chibwe afwa matwi, kakuhanjikisa tunaye.”

Luka 4:36

Atu eswe yaalishimwoka kuhiana, yaalihula ngwo: “Lino liji lika? Mutu yono kakwamba ni chiyulo ni ndundo kuli mwiku wa luchisa, newo muutuhuka!”

Luka 9:1

Yesu yakungulula tumbaji kumi ni aali, yaaha chiyulo ni tachi ja kutuhwisa najo mwiku weswe wa luchisa, ni kuwuka misongo.

Yilinga 17:19

No yaamwanda, yaamutwala ku meso ja mbunga ya Areopago, yaamuhula ngwo: “Muuhasa kutulongesa longeso lie liaha, nyi?