Marku 1:26 - Mukanda Wa Zambi 1970

²⁶ Mwiku wa luchisa yiukololoka chikolo, mba yiumutuhuka.

MUKANDA USANDU WA ZAMBI 1975

²⁶ Mba Spiritu ya luchisa, nikumutunyisa, nikukololoka ni liji linene, watuhukile muli iye.

Marku 1:26 Iomraidhean Croise

Marku 1:25

Yesu yakalukila mwiku wa luchisa ngwenyi: “Hola! Tuhuka muli mutu yono!”

Marku 1:27

Atu yaalishimwoka kuhiana! Yaalihula ngwo: “Chino chika? Longeso liaha, Mumu chiyulo akwete. Chibwe mwiku wa luchisa muumwononokena!”

Marku 9:20

Yaamuneha. Mwiku wa luchisa, ha kumona Yesu, yiutunyisa mwana. Mwe mwana yalimbuka hashi, yalangumuka ni kututumuna fulufulu.

Marku 9:26

Mwiku wa luchisa yiukololoka ni liji linene, yiumutunyisa kuhiana, mba yiutuhuka. Mwana yabwa ngwe mufu lume, chocho anji yaamba ngwo: “Hafwa.”

Luka 11:22

Alioze, nyi yoze Wahiana tachi meza, mamukumba ni kumuchiza yize yeswe analipakata, mamwanga yize yeswe amwiyile.

Luka 9:39

Mwiku wa luchisa wakumukwata, ni kumutetesa, ni kumufwita. Mba mwana matutumuna fulufulu. Mwiku wakumukonyesa chikolo; kuusolo kumwecha!

Luka 9:42

Muze mwana aneza, mwiku wa luchisa yiumulimbwisa hashi, yiumutunyisa chikolo. Yesu yakalukila mwiku, yawuka mwana, mba yamwahana kuli tato.