Marku 1:24 - Mukanda Wa Zambi 1970

²⁴ “Kuchi yetu ni yena, Yesu Kanazare? Hiweza mu kutwonona, nyi? Ngunakunyingika kanawa, mwe Munangi yoze atumine Zambi.”

MUKANDA USANDU WA ZAMBI 1975

²⁴ Kuchi yetu ni yena, Yesu Ka-Nazare? Uneza mukutwonwona, nyi? Ngunakunyingika, mwe Musandu wa Zambi.

Marku 1:24 Iomraidhean Croise

Miaso (Masamu) 16:10

mumu wakungufunga ku tachi ja kufwa, kuuchi kutayiza munangi we kubola.

Kutuhuka 14:12

Chikwo nawa, kutwakulwezele ngwetu, nyi watutuhwisa, lamba mulikatuwana, nyi? Twakwambile ngwetu: ‘Tweche kwetu, tubwe lume ndungo ja akwa Egiptu.’ Te chibema kulingila kwetu akwa Egiptu, kuhiana kufwila mu puya.”

Daniel 9:24

“Atu je ni limbo lino lia chijila hanaabatwila miaka makumi shimbiali yisuho shimbiali aatusule ku yibi yo ni ungulungulu wo. Yibi yo makaakonekena yo. Ululi muukalinduluka ku miaka yeswe hanga Usolwelo ni maliji a munanyi yikamanunuke, zuwo lia Zambi lia chijila maakakunjika lio.

Mateu 2:23

Yaya ni kutwama mu limwe limbo jina lialio Nazare. Chenacho chamanunukine liji lize Zambi ahanjikile kuli akwa munanyi jenyi ngwenyi: “Kumakamuvuluka ngwo, Kanazare!”

Mateu 8:29

No yaakololoka nikwamba ngwo: “Kuchi yena ni yetu, Yesu Mwana wa Zambi? Wejile kuno ni kutubinjisa shimbu tangwa kanda lichiheta, nyi?”

Marku 1:23

Susumuku mutu wa mwiku wa luchisa yasoloka mu zuwo lia kuwayila. Yakololoka ngwenyi:

Marku 1:25

Yesu yakalukila mwiku wa luchisa ngwenyi: “Hola! Tuhuka muli mutu yono!”

Marku 10:47

Muze hevwa ngwo: “Auze Yesu Kanazare,” yabutuka kukololoka ngwenyi: “Yesu, Mwana wa David, nguvwile kama keke!”

Marku 14:67

yamona Petulu kanoto kahia, yamutala nee, yamwamba ngwenyi: “Ni yena wabwanga hamwe ni Yesu Kanazare.”

Marku 16:6

Alioze mukweze yaamba ngwenyi: “Kanda nwivwa woma. Nunafupu Yesu Kanazare, yoze anakahachila ha kulusu. Hahinduka, amuno keshimo. Talenu homa haze anakamusa.

Marku 5:7

yakololoka chikolo ngwenyi: “Yesu Mwana wa Zambi Mwilu Mwahiana, kuchi yena ni yami? Ngunakulembe mu jina lia Zambi, kanda ungubinjisa kama!”

Luka 1:35

Kanganda ngwenyi: “Mwiku wa Linanga muukuhulumukina, ndundo ja Zambi, Mukwa Mwilu Mwahiana, mujikuzulamina ngwe chizulie. Kashika, mwana yoze munangi maakamuvuluka ngwo, mwe Mwana Zambi.

Luka 24:19

Yahula ngwenyi. “Yuma yika?” No yaamukumbulula ngwo: “Yize ya Yesu Kanazare, te mukwa munanyi wa Zambi wa ndundo ku yitanga ni ku maliji ku meso ja Zambi ni ku meso ja atu eswe.

Luka 4:34

“Aa! Kuchi yetu ni yena, Yesu Kanazare? Hiuneza mu kutwonona, nyi? Ngunakunyingika kanawa, mwe munangi yoze atumine Zambi!”

Luka 8:28

Muze hamona Yesu, yakololoka, yafulamana ku meso jenyi, yamba ni liji linene ngwenyi: “Kuchi yena ni yami, Yesu, Mwana wa Zambi Mwilu Mwahiana? Ngunakulembe kanda ungubinjisa kama!”

Luka 8:37

Hohene mbunga ya mu chifuchi cha Agadara yaambila Yesu akatuke ku chifuchi cho, mumu evwile woma unji. Kashika Yesu yanjila mu wato hanga aye.

Yoano 6:69

Haliabwila hitwafuliela ni hitwanyingika ngwetu, yena mwe Munangi wakatukile kuli Zambi.”

Yilinga 2:27

mumu kuuchi katayiza mwono wami kusala muma lia afu, kuuchi katayiza munangi we kubola.

Yilinga 24:5

Twawanyine yono lunga mutu mubi, mukwa kuvundula Ayuda eswe ku yifuchi yeswe ya hashi. Kali mukwa lutwe wa mbunga ya Anazare.

Yilinga 3:14

nwalitunyine mwe Munangi kanda mukwa ululi, nwechile Pilatu hanga anutuswile mukwa kushiha atu,

Yilinga 4:27

Mumu chamwenemwene mu limbo lino Herode ni Ponteu Pilatu haalichinga ni yilambala ni Aisraele mu kulimika ni Kavumbi ke wa Linanga, Yesu, Chilamwina yoze walakenyene.

Tiangu (Jake) 2:19

Unafuliela ngwe, kwali Zambi umuwika, nyi? Chinabeme. Mwiku wa luchisa wakuchifuliela nawa ni wakuchikima ni woma.

1 Yoano 2:20

Alioze yenu nunanyingika umwenemwene, mumu Kristu hananwehe Mwiku wa Zambi.

Usolwelo 3:7

“Sonekena kanganda ka mwilu wa Chikungulwila cha mu limbo lia Filadelfia ngwe: “Munangi kanda mukwa umwenemwene, yoze uli ni sapi ya mwanangana David, yoze wakwazulula alioze niumwe kahashile kwajila, yoze wakwajila alioze niumwe kahashile kwazulula, kanambe ngwenyi: