Marku 1:21 - Mukanda Wa Zambi 1970

²¹ Yesu ni tumbaji twenyi yaaya ku limbo lia Kafarnaume. Ha tangwa lia kuhwima, Yesu yanjila mu zuwo lia kuwayila lia Ayuda, yabutuka kulongesa.

MUKANDA USANDU WA ZAMBI 1975

²¹ Ayile ku Kafwanaume, ni haze hene ha tangwa lia Sambata, wanjilile mu sunangonga akalongese.

Marku 1:21 Iomraidhean Croise

Mateu 4:13

Katwamine ko ku limbo lia Nazare matangwa anji, alioze yaya ni kutwama ku Kafarnaume, limbo lia ku mbumbulu ya chitende cha Galilea mu yifuchi ya Zabulone ni Naftali.

Mateu 4:23

Yesu yendangana mu chifuchi cheswe cha Galilea, yalongesa mu mazuwo jo a kuwayila, yambujola Sango Jibema ja Wanangana, yawuka milali yeswe ya misongo ni weji hakachi ka atu.

Marku 1:20

Hazehene yaatambika. No yaahichika tato Zebedeu ni ngamba mu wato, yaakaula Yesu.

Marku 1:29

Yaatuhuka mu zuwo lia kuwayila. Hazehene yaanjila mu zuwo lia Simone ni Andre. Tiangu (Jake) ni Yoano yaaya no.

Marku 1:33

Limbo lieswe yaakunguluka ku chikolo cha zuwo.

Marku 1:39

Mba yaya ku chifuchi cheswe cha Galilea, yambujola mu mazuwo jo a kuwayila, yatuhwisa mwiku wa luchisa.

Marku 10:1

Yesu yakatuka ko, yaheta ku chifuchi cha Yudea, yazauka Yordau. Mbunga jinene yaamukunguluka nawa. Neye yaalongesa nikulita ni ndako yenyi.

Marku 2:1

Kulutwe lia matangwa amwe, muze Yesu hanjila nawa mu Kafarnaume, atu yeevwa ngwo: “Mu zuwo ali.”

Marku 3:1

Yesu yanjila nawa mu zuwo lia kuwayila lia Ayuda. Yimubwa umwe mukwa kwoko liasosewa.

Marku 6:2

Ha tangwa lia kuhwima yabutuka kulongesa mu zuwo lia kuwayila lia Ayuda. Atu anji abwile mo. Muze heevwa longeso lienyi, yaalishimwoka kuhiana, yaalihula ngwo: “Yuma yino kulihi ayiwana? Mana aka atambula? Ngwe kuchi analingi yikomokeso yino?

Luka 10:15

Ni yenu akwa Kafarnaume, nunanyongo ngwenu, maakanuzundula ndoo kwilu, nyi? Kumaakanuhulumuna ndoo mu kahia!”

Luka 13:10

Limwe tangwa lia kuhwima, Yesu te kanalongesa mu zuwo lia kuwayila.

Luka 4:16

Yesu yahiluka ku Nazare kuze akolelele. Ha tangwa lia kuhwima yanjila mu zuwo lia kuwayila lia Ayuda nikulita ni ndako yenyi. Yakatuka atange Mukanda wa Zambi.

Luka 4:23

Yesu ngwenyi: “Chamwenemwene munungutela chishima chino ngwenu: ‘Mbuki, liwuke yena mwene.’ Munungwamba nawa ngwenu: ‘Linga nawa chizechene kuno ku limbo lie chize twevwile ngwo, walingile ku Kafarnaume.’ ”

Yilinga 17:2

Paulu, nikulita ni ndako yenyi, yanjila mo, yalongesa Mukanda wa Zambi matangwa atatu a kuhwima,

Yilinga 18:4

Tangwa heswe lia kuhwima, Paulu yalongesa mu zuwo lia kuwayila lia Ayuda, yafupa kukununa Ayuda ni Agresia.