Marku 1:14 - Mukanda Wa Zambi 1970

¹⁴ Muze haasa Yoano mu zuwo lia lamba, Yesu yaya ku chifuchi cha Galilea nikwambujola Sango Jibema ja Zambi.

MUKANDA USANDU WA ZAMBI 1975

¹⁴ Achi, muze te hakunjika Yoano ku zuwo lia ususu, Yesu wejile ku Ngalileya, nikwambujola sango lipema lia wanangana wa Zambi.

Marku 1:14 Iomraidhean Croise

Mateu 11:2

Yoano Chipapachisa, tu mu zuwo lia lamba, yevwa hakutwala ku yitanga ya Kristu. Mba yamutumina amwe tumbaji twenyi.

Mateu 14:2

Neye yambila tuvumbi twenyi ngwenyi: “Awu mwe Yoano Chipapachisa. Hahinduka ku kufwa, kashika kali ni chiyulo cha kulinga yilayi.”

Mateu 4:12

Muze Yesu hevwa ngwo, Yoano haamusa mu zuwo lia lamba, yaya ku chifuchi cha Galilea.

Mateu 4:17

Chize ku mwaka uze, Yesu yabutuka kwambujola. Yamba ngwenyi: “Alumukenu ku mbunge, mumu Wanangana wa mwilu hiwakundama!”

Mateu 4:23

Yesu yendangana mu chifuchi cheswe cha Galilea, yalongesa mu mazuwo jo a kuwayila, yambujola Sango Jibema ja Wanangana, yawuka milali yeswe ya misongo ni weji hakachi ka atu.

Mateu 9:35

Yesu yendangana mu membo eswe ni mu yihunda yeswe, yambujola Sango Jibema ja Wanangana mu mazuwo jo a kuwayila, yawuka milali yeswe ya misongo ni weji.

Luka 3:20

Mba Herode yawezela nawa chibi chikwo chahiana ha kusa Yoano mu zuwo lia lamba.

Luka 8:1

Kulutwe lia matangwa amwe, Yesu yabalika mu membo ni mu yihunda nikwambujola Sango Jibema ja wanangana wa Zambi. Tumbaji kumi ni aali yaaya hamwe nenyi,

Yilinga 20:25

“Hinabalika nikwambujola Wanangana wa Zambi hakachi ka yenu eswe. Alioze haliabwila ngunanyingika ngwami, kunuchi kangumona nawa.

Yilinga 28:23

No yaatongola tangwa lia kuhanjika ni Paulu. Mba mbunga yinene yeezaza ni kumunangisa ku zuwo lize te atwama. Chize ku chichamene ndoo ku chingoloshi Paulu yaalumbunwina nikushindakenya hakutwala ku Wanangana wa Zambi, yeeseka kwakununa ha chikuma cha Yesu. E maliji waze alongesele te a mu mukanda wa Shimbi ja Mose ni mu mikanda ya akwa munanyi a Zambi.

A-ROMA 1:1

Yami, Paulu, ndungo ya Yesu Kristu, ngunanusonekena mukanda uno. Zambi mwe wangutambikile ngukabwe kanganda kenyi, wangutongwele ngukambujole Sango jenyi Jibema.

Efesu 2:17

Chenacho Kristu ejile nikwambujola Sango Jibema ja uhwimino kuli yenu hi Ayuda ko, waze nwabwile kusuku ni Zambi, nawa kuli Ayuda waze abwile hakamwihi nenyi.