Luka 9:3 - Mukanda Wa Zambi 1970

³ Yaamba ngwenyi: “Kanda numbata Chuma nichimwe mu wenyi: chibwe lukanda, hanji tuku, chibwe mbolo, hanji mbongo, kanda nubwa ni yikuto yaali.

MUKANDA USANDU WA ZAMBI 1975

³ Wambile kuli ayo ngwenyi, Kanda nukambata nichimwe ha wenyi wenu, chipwe mulumbu, chipwe chipakumuna, chipwe mbolo, chipwe mbongo, ka; chipwe kanda nukapwa ni mbinja jiali.

Luka 9:3 Iomraidhean Croise

Miaso (Masamu) 37:3

Shachila hali Mwene Zambi, ulinge yibema, twama mu uhwimino mu che chifuchi.

Marku 6:7

Yatambika tumbaji twenyi kumi ni aali, mba yabutuka kwatuma aali aali. Yaaha chiyulo cha kutuhwisa nacho mwiku wa luchisa.

Luka 12:22

Mba Yesu yambila tumbaji twenyi ngwenyi: “Kashika ngunanwambe ngwami, kanda nulibikala ha mwono wenu, chize munulia, hanji ha mijimba yenu, chize munuzala.

Luka 12:28

Nyi Zambi kakujika mwambu uze unasoloka musono ni hamene maaumbila mu jiko lia kahia kuma kechi kanujika nyi? Ufulielo wenu ukepe!

Luka 22:35

Mba Yesu yaahula ngwenyi: “Muze nanutumine te kunushi chibakumuna, chibwe tuku, chibwe sapato, nwahonene chimwe Chuma, nyi?” Yaakumbulula ngwo: “Nichimwe.”

Luka 3:11

Yaakumbulula ngwenyi: “Yoze uli ni yikuto yaali chamutamba kuhana chimuwika kuli yoze keshi nacho, ni yoze uli ni yakulia chamutamba kulinga chizechene.”

Luka 5:29

Hohene Levi yamulingila chiteleka chinene mu zuwo lienyi. Yimubwa mbunga yinene ya akwa kulambwisa lijimu ni atu akwo ku mesa hamwe no.

Luka 9:4

Kweswako maakanuzumbula, twamenu mu zuwo lizeliene ndoo muze munukakatuka mu limbo lize.

2 Timoteu 2:4

Kajita yoze wakulinga milimo yibema keshi kunjila mu milonga yize kuyishi kulita ni milimo yenyi, mumu kakuzanga kubemena kuli mwata wenyi.