Luka 7:2 - Mukanda Wa Zambi 1970

² Umwe mwata wa tujita twa Aroma yabwa ni umwe kavumbi kenyi mulemu. Kavumbi yoze yayiza, te himafwa.

MUKANDA USANDU WA ZAMBI 1975

² Ndungo ya umwe kapitau, mulemu kuli iye, Wayijile, te wambile kufwa.

Luka 7:2 Iomraidhean Croise

Ubutukilo 24:27

ngwenyi: “Mwene Zambi wa mwata wami Abrahama afumane, mumu hamanununa yilakenyo yeswe yize alakenyene mwata wami. Hiwanguneha ndoo kuno ku limbo lia usoko wa mwata wami.”

Ubutukilo 35:8

Debora, ndeji ya Rebeka, yafwa. Yaamufunda mushi lia mutondo shene, uze wabwile hehi ni Betele. Mba mutondo uze yaauluka ngwo, Shene wa Malilo.

Jobe 31:5

Ngunahanjika umwenemwene ngwami, chavulumwine kwami nilimwe tangwa, chahanjikile kwami mahuza, chongele atu.

Yishima 29:21

Nyi wakwaha kavumbi ke yeswe yize akuzanga, chize ku kukusemuka chenyi, tangwa mulikeza lize makatambula yuma ye yeswe.

Mateu 27:54

Muze mwata wa tujita ni e tujita waze afungile Yesu haamona kunyika cha hashi ni yize yeswe yabwile ko, yeevwa woma unji, yaamba ngwo: “Chamwenemwene yono mwe Mwana Zambi.”

Luka 23:47

Mwata wa tujita, muze hamona yize yabwile, yachichimieka Zambi, ngwenyi: “Chamwenemwene mutu yono mukwa ululi!”

Luka 7:1

Muze Yesu hamanununa kuhanjika maliji wano eswe kuli atu, yahiluka ku Kafarnaume.

Luka 7:3

Muze mwata yoze hevwa hakutwala kuli Yesu, yamutumina amwe makulwana ja Ayuda ni kumulweza hanga eze awuke kavumbi kenyi.

Luka 8:42

mumu te kali lume ni mwana umuwika wa pwo wa miaka kumi ni yaali, te kanahuzu. Shimbu Yesu ayile, mbunga yaamushinjeka sali ni sali.

Yilinga 10:1

Yikubwa umwe lunga mu limbo lia Sesarea, jina lienyi Korneliu, mwata wa mbunga ya tujita yize anayivuluka ngwo: “Mbunga ya Italia.”

Yilinga 10:7

Muze kanganda ka mwilu haya, yoze te anahanjika nenyi, Korneliu yatambika ngamba aali a mu zuwo lienyi ni kajita umuwika, wa kuli waze akumulingila matangwa eswe, te mukwa kuwayila Zambi.

Yilinga 22:26

Ha kwivwa liji lino, mwata wa tujita yaya ni kuhula mwata wenyi ngwenyi: “Kuchi unambe kulinga? Mutu yono kali mwenyaho wa ku wanangana wa Aroma!”

Yilinga 23:17

Paulu yatambika umwe wa kuli miata ja tujita, yamwamba ngwenyi: “Twala mukweze yono kuli mwata wenu mumu liji ali nalio lia kumwambulwila.”

Yilinga 27:1

Muze habatula ngwo, mutwenda mu ulungu ku chifichi cha Italia, yaakunjika Paulu ni funge akwo kuli mwata wa tujita, jina lienyi Juliu, wa ku mbunga ya tujita yize anavuluka ngwo, Mbunga ya mwanangana wa Aroma,

Yilinga 27:3

Muze hikwacha yituheta ku limbo lia Sidone. Juliu yalweza utu kuli Paulu, yamutayiza kuya kuli masepa jenyi, amuzumbule.

Yilinga 27:43

Alioze mwata wa tujita yazanga kulamwina Paulu. Kashika yaakinda kuchilinga, alioze yaaha malunga eswe Shimbi, ngwenyi, waze anyingika kusana maaumbila mu meya hatangu nikusana ndoo maatuhuka ku tunda.

Kolosu 3:22

Yenu ndungo, ononokenenu miata jenu a hano hashi mu yuma yeswe. Kanda nuchilinga ku meso wika muze akunutala, ha kubemena kuli ayo. Alioze Ononokenu ni mbunge yakutuwika, mumu ha vumbi lize nuli nalio kuli Mwene Yesu.