Luka 4:8 - Mukanda Wa Zambi 1970

⁸ Yesu ngwenyi: “Hichinasonewa mu Mukanda wa Zambi ngwo: ‘Ukawayile Mwene Zambi ye, ukamulingile iye wika!’ ”

MUKANDA USANDU WA ZAMBI 1975

⁸ Yesu wamukumbulwile, ngwenyi, Sosoloka kunyima yami, Satana, mumu chinasonewa ngwo, Ukawayile Mwehe Zambi ye, Iye wika ukamulingile.

Luka 4:8 Iomraidhean Croise

1 MIANANGANA 19:15

yalemba ngwenyi: “Aa Mwene Zambi, Zambi ya Aisraele, kuwatwama ha chitwamo che helu lia akwa mwono a mwilu, yena uli mwe Zambi wika, kuwakuyula mwanangana eswe a hashi. Yena watangile hashi ni lilu.

Miaso (Masamu) 83:18

Anyingike ngwo, yena wika uli Mwene Zambi, uli mwanangana wa akwa hashi eswe.

Izaya 2:11

Tangwa mulikeza lize Zambi makahombola atu ku kulengumuka ni ku kulisuta cho. Hohene Mwene Zambi wika makanangama.

Mateu 16:23

Alioze Yesu yatewuluka kuli Petulu, ngwenyi: “Ngukatuke, Sakwonga! Uli chitalingiso kuli yami, mumu kuushi kunyonga ngwe Zambi alioze ngwe atu!”

Mateu 4:10

Yesu ngwenyi: “Katuka Sakwonga! Mumu hichinasonewa mu Mukanda wa Zambi ngwo: ‘Ukawayile Mwene Zambi ye, ukamulingile iye waka!’ ”

Luka 4:4

Yesu ngwenyi: “Hichinasonewa mu Mukanda wa Zambi ngwo: ‘Mutu kahashile kubwa ni mwono ku mbolo wika.’ ”

Luka 4:7

Nyi muuzondama ha makungunwa unguwayile, ayize muyibwa niye.”

Shimbi 10:20

Ononokenenu Mwene Zambi, Zambi yenu, muwayilenu iye wika. Bwenu akwa kushishika, lishingenu ni jina lienyi wika.

Shimbi 6:13

Vwilenu Mwene Zambi, Zambi yenu, woma, muwayilenu iye wika, nulishinge ni jina lienyi wika.

Tiangu (Jake) 4:7

Kashika Zeyelenu kuli Zambi, limikenu ni Sakwonga, mba manuchina kusuku.

1 Petulu 5:9

Manenu nguu mu ufulielo, limikenu ni Sakwonga, mumu nunanyingika ngwenu, akwenu akwo waze haanamwangashana hashi heswe, kaakumona nawa lamba liliene.

Usolwelo 19:10

Yingufulamana ku molu jenyi ha kumuwayila. Alioze yangwamba ngwenyi: “Ka, kanda uchilinga! Nguli kavumbi ni mukwenu hamwe ni akwenu waze akwete umwenemwene uze asolwele Yesu. Wayila Zambi!” Mumu umwenemwene uze asolwele Yesu, wenawo te Wakukolesa akwa munanyi a Zambi ha kwambujola maliji jenyi.

Usolwelo 22:9

Alioze yangwamba ngwenyi: “Kanda uchilinga! Yami nguli kavumbi ni mukwenu, ngwe akwenu akwo akwa munanyi, ngwe eswe waze akufunga maliji a mukanda uno. Wayila Zambi!”

1 Samuel 7:3

Samuel yambila Aisraele ngwenyi: “Nyi munuhiluka kuli Mwene Zambi ni mbunge jenu jeswe, chizenu mazambi eswe a yilambala hakachi kenu, ni mahamba ja zambi wa pwo Astarte. Likunjikenu liakulu kuli Mwene Zambi ni kumulingila iye wika. Mba makanulamwina ku moko ja Afilistia.”