Luka 4:6 - Mukanda Wa Zambi 1970

⁶ Yamwamba ngwenyi: “Mungukwaha chiyulo chino cheswe ni upichi wa mawanangana wano. Yize yeswe hanangukunjika yo ngunahase kuyihana kuli yoze ngunazange.

MUKANDA USANDU WA ZAMBI 1975

⁶ Ndiapu wambile kuli iye ngwenyi, Mungukwaha chiyulo chino cheswe ni uhenya wacho, mumu hanangukunjikawo; kuli mweswawo mungumupala, mungumwahawo.

Luka 4:6 Iomraidhean Croise

Estere 5:11

Hamane yalichichimieka kuli ayo chize habwa pichi, ni chize habwa ni ana a malunga anji, ni chize mwanangana hamutongola ni kumusa ha muhela ulemu wa kulutwe, ni chize habwa mulemu kuhiana akwa lutwe akwo.

Izaya 23:9

Mwene Zambi Mukwa Ndundo Jeswe mwe wayikokele. Hachilinga nikusulisa kulengumuka cho ni kulelesa atu alemu jo eswe.

Izaya 5:14

Muma lia afu munevu zala mumu hali ayo, mumubakula kanwa liamo, mumuminya atu alemu a mu Yerusaleme, ni atu eswe akwo.

Luka 4:7

Nyi muuzondama ha makungunwa unguwayile, ayize muyibwa niye.”

Yoano 12:31

Haliabwila ye ola ya ubatwilo wa akwa hashi, haliabwila Mwata wa hashi hano mambiliwa haze.

Yoano 14:30

Chichi kuhanjika nawa chinji hamwe ni yenu, mumu Mwata wa hashi hano kaneza. Keshi chiyulo nichimwe hali yami,

Yoano 8:44

Nuli ana ja Tatenu Sakwonga. Nwakuzanga kulinga yize akuzanga Tatenu. Iye wabwile mukwa kushiha atu chize ku Ubutukilo. Kabwile ko mu umwenemwene nichimwe, mumu muli iye umwenemwene kuushimo. Muze akuhanjika mahuza, kakuhanjika nikulita ni ndako jenyi, mumu kali mukwa mahuza ni tato ya mahuza.

2 Korintu 11:14

Hi Chuma cha kulishimwoka ko! Mumu chibwe Sakwonga iye mwene mahasa kwalumuka ngwe kanganda ka pangu!

Efesu 2:2

Ha miaka yize te nwakwenda nikulita ni ndako yibi ya uutu ya hano hashi. Yinwononokena mwanangana wa tachi ja mu tetela, mwiku uze wakulinga haliabwila muli atu waze keeshi kwononokena Zambi.

1 Petulu 1:24

Ngwe chize Mukanda wa Zambi unambe: “Atu eswe kaali ngwe yambu. Uhenya wo weswe ngwe yitemo ya mafwo. Nyi mafwo hooma, yitemo muyiholoka hashi.

1 Yoano 5:19

Tunanyingika ngwetu, tuli a Zambi, ni mwe Chingulungulu kakuyula akwa hashi eswe.

Usolwelo 12:9

Ngongo yoze munene yaamumbila haze. Kali kapela mukulu, yoze alukile ngwo, Sakwonga, yoze wakwonga atu eswe. Yaamumbila hashi hamwe ni tunganda twenyi eswe.

Usolwelo 13:2

Ngongo yoze namwene te kanalifu ni kolwama, molu jenyi ngwe molu ja ngongo munene, ursu, kanwa lienyi ngwe kanwa lia tambwe. Ngongo yoze mukwo munene, dragau, yamwaha tachi jenyi mwene, ni chitwamo chenyi cha wanangana, ni chiyulo chenyi chinene.

Usolwelo 13:7

Dragau yamwaha chiyulo cha kwasa jita ni atu ja Zambi ni kwakumba. Yamwaha chiyulo cha kuyula mavungu eswe, ni akwa maliji eswe, ni yifuchi yeswe.