Luka 4:2 - Mukanda Wa Zambi 1970

² Kwenako Sakwonga yamweseka matangwa makumi awana. Yesu kalile nichimwe. Kashika muze matangwa waze haabalika, Yesu yevwa zala.

MUKANDA USANDU WA ZAMBI 1975

² ha shimbu lia makumi awana a matangwa, kanamweseka kuli Ndiapu, kalile nichimwe ha matangwa aze: ni muze amanunukine wevwile zala.

Luka 4:2 Iomraidhean Croise

Ubutukilo 3:15

Yena kapela ni pwo munukabwa akwa kole. Vungu lie ni vungu lia pwo mulikabwa akwa kole. Mulikafupa mana akukushihila ku mutwe, ni yena muukafupa mana akumusumina ku kashi jino.”

1 Yitanga Ya Mianangana 19:8

Eliya yahinduka, yalia, yanwa. Mba ku tachi ja yakulia yize, yenda matangwa makumi awana ndoo yaheta ku Sinai we mulundu wa Zambi.

Estere 4:16

“Yako ukungulule Ayuda eswe a mu Shushane. Alitwamine kulia ni kungulembela kama. Kanda nulia chimwe Chuma hanji kunwa matangwa atatu. Ni yami ni tuvumbi twami a mapwo mutulinga nawa chizechene. Mba munguya kuli mwanangana, chibwe kuchalitele ni Shimbi. Chibwe kufwa, mungufwa.”

Kutuhuka 24:18

Mose yakanduka, yanjila mu lelwa, yabwa ko matangwa makumi awana.

Kutuhuka 34:28

Mose yatwama ha mulundu hamwe ni Mwene Zambi matangwa makumi awana. Te keshi kulia chibwe kunwa. Ha mawe yasoneka ho maliji a Usendo, je Shimbi kumi.

Yona 3:7

Yahana Shimbi kuli Aninive ngwenyi: “Yami mwanangana ni akwa lutwe jami, tunanwehe Shimbi ngwetu: mutu kanda alia nichimwe. Chibwe yimuna a mu chihunda, anene ni akepe, kanda alia chibwe kunwa ka.

Mateu 21:18

Muze kwilu hikwachia, shimbu machihiluka ku limbo, Yesu yevwa zala,

Mateu 4:2

Muze matangwa makumi awana haabalika Yesu kalile nichimwe, yevwa zala.

Luka 4:3

Mba Sakwonga yamwamba ngwenyi: “Nyi mwe Mwana Zambi yena, amba liwe lino lialumuke mbolo.”

Yoano 4:6

Yikubwa shima lia meya lia Yakoba. Yesu te hahonga mumu ha wenyi, yatwama ku sesa lia shima, tangwa ha muchima.

Shimbi 9:18

Hohene yingufulamana nawa ku meso ja Mwene Zambi matangwa makumi awana, chalile, ni chanwine Chuma nichimwe. Nalingile chino mumu yenu nwavulumwine Mwene Zambi, nwamuvwishile ufwatulo.

Shimbi 9:25

“Chenacho nafulamanyine ku meso ja Mwene Zambi matangwa waze makumi awana, mumu yingunyingika ngwami, habatula kulu kununongesa.

Shimbi 9:9

Yami yingukanduka ha mulundu ni kutambula mawe haze Zambi asonekene maliji a Usendo uze akolesele ni yenu. Yingutwama ko matangwa makumi awana, chalile chibwe chanwine ko Chuma nichimwe.

Hebreu 2:18

Yesu iye mwene hanamono lamba, ni Sakwonga hanamweseka. Kashika mahasa kukwasa nawa atu waze Sakwonga akweseka.

Hebreu 4:15

Mwata wa mahako a Zambi kakumona lamba hamwe ni yetu mu ulelu wetu. Mumu Sakwonga hanamweseka mu yuma yeswe ngwe chize akweseka nawa yetu, alioze kavulumwine ko.

1 Samuel 17:16

Mwe Kafilistia yahamwisa Aisraele chichamene ni chingoloshi matangwa makaumi awana.