Luka 4:16 - Mukanda Wa Zambi 1970

¹⁶ Yesu yahiluka ku Nazare kuze akolelele. Ha tangwa lia kuhwima yanjila mu zuwo lia kuwayila lia Ayuda nikulita ni ndako yenyi. Yakatuka atange Mukanda wa Zambi.

MUKANDA USANDU WA ZAMBI 1975

¹⁶ Iye wejile ku Nazare, kuze amulelele, wanjilile nikulita ni ndako yenyi, mu sunangonga ha tangwa lia sambata, wakatukile mukutanga.

Luka 4:16 Iomraidhean Croise

Mateu 2:23

Yaya ni kutwama mu limwe limbo jina lialio Nazare. Chenacho chamanunukine liji lize Zambi ahanjikile kuli akwa munanyi jenyi ngwenyi: “Kumakamuvuluka ngwo, Kanazare!”

Luka 2:39

Muze te yisemi jenyi haamanununa yuma yeswe nikulita ni Shimbi ja Mwene Zambi, yaahiluka ku Galilea ku limbo lia Nazare.

Luka 2:42

Muze te Yesu habwa ni miaka kumi ni yaali, iye ni yisemi jenyi yaaya ku chiwanyino nikulita ni ndako yo.

Luka 2:51

Mba yahiluka no ku Nazare, yoononokena. Naye yafunga yuma yize yeswe mu mbunge yenyi.

Luka 4:15

Yalongesa mu mazuwo jo a kuwayila. Atu eswe yaamuchichimieka.

Luka 4:17

No yaamwaha mukanda wa mukwa munanyi wa Zambi, Izaya. Neye yavungulula chivungo cha mukanda uze, yawana muma muze mwasonewene ngwo:

Luka 4:21

Neye yabutuka kwaambila ngwenyi: “Chisoneko chino cha mu Mukanda wa Zambi, musono hichamanunuka, ha shimbu linoliene hinwachivwa.”

Luka 4:23

Yesu ngwenyi: “Chamwenemwene munungutela chishima chino ngwenu: ‘Mbuki, liwuke yena mwene.’ Munungwamba nawa ngwenu: ‘Linga nawa chizechene kuno ku limbo lie chize twevwile ngwo, walingile ku Kafarnaume.’ ”

Yoano 18:20

Yesu yamukumbulula ngwenyi: “Nahanjikile mwazu mukachi ka atu eswe. Nalongesele tangwa ha tangwa mu mazuwo a kuwayila ni mu zuwo lia Zambi lia Ayuda, kuze te kwakukungulukila Ayuda. Chahanjikile nichimwe ku tenga.

Yilinga 17:2

Paulu, nikulita ni ndako yenyi, yanjila mo, yalongesa Mukanda wa Zambi matangwa atatu a kuhwima,