Luka 3:9 - Mukanda Wa Zambi 1970

⁹ Zambi hasa kulu njimbu ku miji ya mitondo. Mutondo weswe uze kuushi kwima mihuko yibema, maupakula ni kuumbila mu kahia.”

MUKANDA USANDU WA ZAMBI 1975

⁹ Chipwe haliapwila hanase njimbu ku miji ya mitondo; kashika mitondo yize yeswe kuyishi kwima mihuko yipema, mayipakula, mayimbila mu kahia.

Luka 3:9 Iomraidhean Croise

Ezekiel 31:18

“We mutondo uli mwanangana wa Egiptu ni atu jenyi eswe. Chibwe mitondo ya mu Edene kuyasuhwile, kuyabemene ngwe mutondo uze. Alioze haliabwila, ngwe mitondo ya mu Edene, kumuuya muma lia afu ni kulitakana ni waze kaanyingikine Zambi ni waze afwile mu jita. Yami Mwene Zambi nachamba.”

Daniel 4:14

Neye yambujola ni liji linene ngwenyi: ‘Nungunenu we mutondo, salulenu mitango yawo, hululenu mafwo jawo, mwangenu mihuko yawo. Hangenu tushitu waze akunamina mushi liawo ni tujila waze atwama ko.

Daniel 4:23

Vulie mwanangana! Muze te nunatale, umwe kanganda ka mwilu yahulumuka, yamba ngwenyi: ‘Nungunenu we mutondo, nuwonone, alioze hichikenu chimbunji mu mavu. Nuchikase ni chimwe chijingo cha utale ni chikwo cha unengu, nuchihichike mu munda mukachi ka yambu. Mume ukasotokele hali mutu yono, akabwe hamwe ni tushitu a mu yambu miaka shimbiali.’

Mateu 3:10

Zambi hasa kulu njimbu ku miji ya mitondo. Mutondo weswe uze kuushi kwima mihuko yibema maupakula ni kuumbila mu kahia.

Mateu 7:19

Mutondo weswe uze kuushi kwima mihuko yibema, maakaubatula, maakaumbila mu kahia.

Luka 13:6

Mba Yesu yaatela chishima chino ngwenyi: “Umwe mutu watumbile mukuyu mu munda wenyi. Yeza ni kufupa mihuko, alioze kayiwanyine ko.

Luka 13:7

Mba yambila njimi ngwenyi: ‘Tala miaka yitatu neza ni kufupa mihuko ku mukuyu uno, alioze chawanyine nichimwe. Upakule! Kuchi kevwe unasekesa mavu?’

Luka 13:9

Nyi muukema mihuko mwaka wa kulutwe, chibema. Nyi ka, mba muuhasa kuupakula.’ ”

Yoano 15:6

Yoze keshi kunyongonona kulinunga ni yami maakamumbila haze ngwe mutango, mba muuma. Mitango yize hiyinomu, kakuyitongona ni kuyimbila mu kahia, mba muyiwema.

Hebreu 10:28

Mutu mweswe yoze te keshi kufunga Shimbi ja Mose te kaakumushiha, kumuvwila keke ka, nyi haamushindakenya ubi wenyi kuli yela aali hanji atatu.

Hebreu 12:29

mumu Zambi yetu kali ngwe kahia kaze kakwonona.