Luka 3:5 - Mukanda Wa Zambi 1970

⁵ Mbongo jeswe mujikashikiwa, milundu yeswe ni mindundena yeswe muyikanyikumuka. Yikoka yahenga muyikalulama, majila abi kumaakasalama.

MUKANDA USANDU WA ZAMBI 1975

⁵ Mbongo jeswe kumujikashikiwa, Milundu yeswe ni mindundena yeswe kumuyikashikumuka; Yize ya kuhenga kumuyikalulama; Majila a lamba kumakasalama;

Luka 3:5 Iomraidhean Croise

Izaya 40:4

Shikilenu yikulo yeswe; salamisenu milundu yeswe, mindundena kumuyikanyikumuka, ni chifuchi cha yingulunga muchikasalama.

Izaya 42:16

“Tupuputa mungwasongwela mu majila waze kanda enda kama nichimwe. Milima yo munguyalumuna pangu, chifuchi cha mingulunga mungwasalamishina cho. Yino yili yilakenyo yami, munguyimanununa kanawa.

Izaya 45:2

“Yami mwene mungululika jila ye, ni kusalamisa milundu ni mindundena. Mungumakuna yajilo ya unengu, ni mikungo yayo ya utale.

Izaya 49:11

“Mungukatema jila yinene ha milundu ni kululikila atu jami jila yize chaatamba kwendela mo.

Ezekiel 17:24

Mitondo yeswe ya mu chifuchi muyikanyingika ngwo, yami nguli Mwene Zambi. Nakunungwina hashi mitondo yisuku, mitondo yihi nakuyitatwisa. Nakumisa mitondo ya wisu, mitondo yumu nakuyipwisa ya wisu. Yami Mwene Zambi nachamba. Mungulinga chize nambile.”

Tiangu (Jake) 1:9

Mukwetu mukwa Kristu, chiswale, awahilile muze Zambi mamulemesa.