Luka 3:3 - Mukanda Wa Zambi 1970

³ Neye yendangana mu chifuchi cheswe cha kusulangana ni lwiji Yordau, nikwambujola ngwenyi: “Alumukenu ku mbunge, anupapachise, mba Zambi manukonekena milonga yenu.”

MUKANDA USANDU WA ZAMBI 1975

³ Iye wejile mu chifuchi cheswe cha kujingilika Yordau, nikwambujola upapachiso wa kulikonyeka ha ukonekeno wa milonga;

Luka 3:3 Iomraidhean Croise

Mateu 3:11

Yami ngunanupapachisa ni meya mu kulweza ngwo, hinwalumuka ku mbunge. Alioze yoze meza kunyima liami makanupapachisa ni Mwiku wa Linanga ni kahia. Kananguhiana yami. Chatelele nichimwe kujitula sapato jenyi.

Luka 1:16

Makahilwisa atu anji hakachi ka Israele kuli Mwene Zambi yo.

Luka 1:77

ni kunyingikisa atu jenyi ngwe, makaalamwina ha kwakonekena milonga yo.

Luka 4:1

Yesu nikuzala ni Mwiku wa Linanga, yakatuka ku Yordau, yahiluka. Mba Mwiku wa Linanga, yiumutwala mu puya.

Yoano 1:28

Yino yeswe yabwile ku chihunda cha Betania musali lia lwiji Yordau, kuze te Yoano akupapachishila atu.

Yoano 3:26

No yaaya kuli Yoano ni kumwamba ngwo: “Longeshi, unewuluka mutu yoze wabwile hamwe ni yena musali lia Yordau, te wakutulweza sango jenyi. Haliabwila kakupapachisa atu, ni eswe kaakuya kuli iye.”

Yilinga 13:24

Muze te Yesu kanda achiza, Yoano yalongesa atu ngwenyi: ‘Alumukenu ku mbunge, anupapachise.’

Yilinga 19:4

Paulu ngwenyi: “Chamwenemwene Yoano te kakupapachisa waze alumwokene ku mbunge nikwambila Aisraele ngwenyi: ‘Fulielenu yoze meza kulutwe liami, Yesu.’ ”

Yilinga 22:16

Mba haliabwila kuchi unalaluka? Katuka, akupapachise, ulikose milonga ye ha kulemba kuli Yesu Kristu.’ ”