Luka 22:3 - Mukanda Wa Zambi 1970

³ Hohene Sakwonga yanjila muli Yudase, umwe wa kuli tumbaji kumi ni aali, yoze te akuvuluka ngwo, Kakeriote.

MUKANDA USANDU WA ZAMBI 1975

³ Mba Satana wanjilile muli Yundase, jina lienyi likwo, Ka-Keriote, yoze hanamwalula wa kuli kumi ni aali.

Luka 22:3 Iomraidhean Croise

Miaso (Masamu) 41:9

Chibwe sepa liami yoze te nakusa mbunge, yoze te nakulia nenyi, neye hangwalumukina.

Mateu 10:4

Simone, mukwa kuzanga utuswilo wa chifuchi; ni Yadase Kakeriote, yoze wakunjikile Yesu kuli akwa kole jenyi.

Mateu 26:23

Yesu yaakumbulula ngwenyi: “Yoze unatate hamwe ni yami mu chenga, mwenawo mangukunjika.

Mateu 4:10

Yesu ngwenyi: “Katuka Sakwonga! Mumu hichinasonewa mu Mukanda wa Zambi ngwo: ‘Ukawayile Mwene Zambi ye, ukamulingile iye waka!’ ”

Luka 22:21

“Alioze Talenu! yoze unangukunjika kuli akwa kole jami hano hali ku mesa hamwe ni yami!

Luka 6:16

ni Yudase mwana wa Tiangu (Jake), ni Yudase Kakeriote, yoze wakunjikile Yesu kuli akwa kole jenyi.

Yoano 12:6

Kambileko chino mumu wanyongene yiswale, alioze mumu yabwa mwiji. Iye te mwe wakusweka mushete wa mbongo jo, yalialia jize asele mo.

Yoano 13:18

“Chambile yenu eswe. Ngunanyingika waze natongwele. Alioze yuma yize yasonewene mu Mukanda wa Zambi chatamba kumanunuka. Ngwo: ‘Yoze wakulia mbolo hamwe ni yami, hangwalumukina.’

Yoano 13:2

Yesu ni tumbaji twenyi te kaanali ha chingoloshi. Sakwonga hanyongesa kulu Yudase, mwana wa Simone Kakeriote, akunjike Yesu kuli akwa kole jenyi.

Yilinga 5:3

Petulu yamwamba ngwenyi: “Anania, kuchi kevwe Sakwonga anjilanga mu mbunge ye uhanjike mahuza kuli Mwiku wa Linanga, ni kusweka Chihanda cha mbongo ja munda?