Luka 21:3 - Mukanda Wa Zambi 1970

³ Mba yamba ngwenyi: “Chamwenemwene ngunanwambulwila ngwami, twamishi yono chiswale hasa mo kuhiana akwo eswe.

MUKANDA USANDU WA ZAMBI 1975

³ Iye wambile ngwenyi, Chamwenemwene, ngunambe kuli yenu ngwami, Yono twamishi wa pwo chiswale kambilamo kuhiana eswe:

Luka 21:3 Iomraidhean Croise

Luka 12:44

Chamwenemwene ngunanwambulwila ngwami, mwata makamwaha kavumbi yoze yilemu ya yikumba yenyi yeswe.

Luka 21:2

Yamona nawa umwe pwo, chiswale, yoze te hanafwisa lunga, nikusa mo tumbongo twaali twa unengu.

Luka 21:4

Mumu waze akwo haalambula nikulita ni ubite wo unji Wahiana, alioze iye, mu uswale wenyi, hahana yize yeswe abwanga nayo ya yakulia yenyi.”

Luka 4:25

Ngunanwambulwila ni umwenemwene ngwami, mapwo anji waze te haanafwisa malunga, abwile mu Israele ha matangwa ja Eliya muze vula kanokene ko miaka yitatu ni Chipinji. Zala yinji yabwile mu chifuchi cheswe.

Luka 9:27

Chamwenemwene ngunanwambulwila ngwami, atu akwo anamana hano keechi kafwa ndoo maakamona Wanangana wa Zambi.”

Yilinga 10:34

Petulu yabutuka kuhanjika ngwenyi: “Mba hinanyingika chamwenemwene ngwami, Zambi keshi katonde.

Yilinga 4:27

Mumu chamwenemwene mu limbo lino Herode ni Ponteu Pilatu haalichinga ni yilambala ni Aisraele mu kulimika ni Kavumbi ke wa Linanga, Yesu, Chilamwina yoze walakenyene.

2 Korintu 8:12

Mumu, nyi mutu mazanga kuhana chawana, Zambi matayiza chawana chenyi nikulita ni chize ali nacho, hi nikulita ko ni chize keshi nacho.